Mathiơ 5:30 - Sơ̆p Hlabơar Nơ̆r 'Bok Kei-Dei

³⁰ Dah minh pah ti iĕm gah 'ma pơm kơ iĕm yoch, chơ̆ng lê̆ minh pah ti iĕm noh, na oei pă minh pah ti, 'noh 'lơ̆ng hloh kơ iĕm oei tôm 'bar pah ti mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.

Mathiơ 5:30 Iomraidhean Croise

Mathiơ 11:6

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Mathiơ 13:21

Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Mathiơ 17:27

Mă-lei ba ưh kơ wă pơkăl kơ lu bơngai iŏk thuê̆ ôh, ba athei duh pơyom. Na dang ei ih năm wah kơ ba ka tơ đak dơsĭ bĕ. Ih 'bôh ka mă kăp wah hơdrol ih iŏk pŏ 'bơ̆r sư hŏ, lăm 'bơ̆r sư noh đei minh hlak jên. Jên noh lăp tôm hloi kơ ba ăn thuê̆. Na ih iŏk jên noh ăn kơ lu bơngai mă iŏk thuê̆, khan kơ lu sư ba ăn tôm boih.”

Mathiơ 18:8

“Dah minh pah ti iĕm dah jơ̆ng iĕm pơm kơ iĕm yoch, chơ̆ng tŭk minh pah ti dah jơ̆ng noh, na oei pă minh pah ti dah jơ̆ng noh, mă-lei gơh mơ̆t oei hăm 'Bok Kei-Dei ling-lang. 'Noh 'lơ̆ng hloh kơ iĕm oei tôm 'bar pah jơ̆ng ti mă-lei wă huŏng pơđĭ hăm akâu tơ dơnâu ŭnh ưh kơ layơ păt.

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 25:20

Bơngai mă iŏk pơđăm hlak jên maih yŏng sư noh, năm pơdrĕo kơ yŏng sư khan: ‘Ơ 'bok, sơ̆ inh iŏk pơđăm hlak jên ih, inh năm mơdro sa đei lơi pơđăm hlak, dang ei jing mơjĭt hlak, inh ăn pơđĭ hloi kơ ih.’

Mathiơ 26:31

Yêsu roi kơ lu bơngai pơhrăm păng Sư: “Đĭ-đăng kơ iĕm măng kơnh kơdâu achăng lê̆ Inh, yua kơ đei nơ̆r chih roi lê̆ hơdrol boih thoi âu: ‘'Bok Kei-Dei gô pơlôch tơ'ngla wei triu, triu kơdâu tơklah đơ̆ng tơ'ngla Sư.’

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Mathiơ 5:29

Dah minh pah măt iĕm gah 'ma pơm kơ iĕm yoch, kuek tŭk minh pah măt iĕm noh, na oei pă minh pah măt, 'noh 'lơ̆ng hloh kơ iĕm oei tôm 'bar pah măt, mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.

Markôs 9:43

“Dah minh pah ti iĕm pơm kơ iĕm yoch, chơ̆ng lê̆ minh pah ti iĕm 'noh, na oei pă minh pah 'noh iĕm gơh mơ̆t oei păng 'Bok Kei-Dei. 'Noh 'lơ̆ng hloh kơ iĕm oei tôm 'bar pah ti ră, mă-lei wă huŏng lăm dơnâu ŭnh mă ưh kơ layơ păt.

Luka 12:5

Iĕm athei hli kơ 'Bok Kei-Dei mă gơh pơlôch akâu iĕm păng gơh hơtat iĕm tơ dơnâu ŭnh. Minh 'nu 'Bok Kei-Dei đĕch iĕm athei hli yom.

Luka 17:2

Bơngai bu dang ei juăt pơhlŭ lu bơngai 'nao lui pơm yoch, pơtih gia đe dah chô̆ ako sư tơ tơpăl tơmo sơ̆, hơtat lê̆ sư tơ klŏng đak dơsĭ, lei sư hiôk 'biơ̆, yua kơ sư huay kơ gơh pơhlŭ đe pơm yoch dang ei.

Rom 9:33

'Noh thoi sơ̆p hla bơar 'Bok Kei-Dei khan lê̆ sơ̆ thoi âu: “Iĕm lăng. Tơ Pơlei Siôn Inh đei 'măn minh pôm tơmo tŏk-bŏk trong wă kơ đe kơtơih pơ̆k. Bu lui kơ tơmo noh, bơngai noh huay kơ hli minh tơdrong kiơ ôh.”

I Kor 8:13

Dah inh sa tơmam đe sơmah kơ yang, na 'nhŏng oh bơ̆n hơdai sa kiơ̆ inh, lei tơdrong yoch noh yua kơ inh, na ning-mônh inh ưh pă layơ wă sa dôm tơmam đe sơmah kơ yang dơ̆ng boih.

Galati 5:11

Ơ 'nhŏng oh, dah inh bơtho athei đe kăt tơdra akar, lei lu bơngai Juđê huay kơ pơm kơnê̆ kơ inh ôh. Na 'nâu inh bơtho gah tơdrong lu bơ̆n lui kơ Yêsu lôch tang bơ̆n tơ 'long pơglang wă kơ gơh klaih đơ̆ng tơdrong yoch ră, na dang ei lu sư ưh kơ lăp đon kơ inh boih. Lu sư oei hăt kơ tơdrong kăt tơdra akar đĕch khan trŏ dêh.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.