Mathiơ 5:11 - Sơ̆p Hlabơar Nơ̆r 'Bok Kei-Dei

¹¹ “Hiôk bĕ lu iĕm, mă đe pơjăm pơjuă iĕm, pơm kơnê̆ kơ iĕm, dah bâu roi 'bơm iĕm tôm tơdrong yua kơ iĕm lui kơ Inh.

Mathiơ 5:11 Iomraidhean Croise

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Horiso 44:22

Sĭt tơpă, yua kơ Ih boih na đe pơlôch nhôn rim năr. Lu nhôn thoi lu kon triu đe wă 'buh sa.

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Je 37:14

Jêrêmi tơl: “Ưh kơ trŏ.” Inh ưh kơ mơ̆t bơngai Kalđê ôh.” Mă-lei Irijah ưh kơ mơ̆ng, rôp Jêrêmi năm ba tơ lu kră pơgơ̆r.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Mathiơ 10:22

Đĭ-đăng bơngai gô areh arĕnh kơ iĕm yua kơ tơdrong jang Inh. Thoi noh bu wă adrin lui kơ Inh truh tôch, bơngai 'noh gô klaih.

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Mathiơ 10:39

Bu ưh kơ chu lôch yua kơ tơdrong Inh, bơngai 'noh lôch hoh hoh đĕch, ưh kơ yua kiơ ôh. Bu chu lôch yua kơ tơdrong Inh, bơngai 'noh gô arih ling-lang.

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Mathiơ 24:9

“Kơplah noh kơnh đe gô rôp iĕm jao kơ đe tôn teh păng pơlôch iĕm. Đĭ-đăng bơngai areh arĕnh kơ iĕm yua kơ iĕm lui kơ Inh.

Mathiơ 27:39

Lu đe mă brŏk năm trong ei tơtreh kơ̆l păng tơhmăi Yêsu khan:

Markôs 13:13

Đĭ-đăng kơ bơngai gô areh arĕnh kơ iĕm yua kơ iĕm lui kơ Inh. Thoi noh bơngai bu adrin lui kơ Inh truh năr tôch, bơngai 'noh gô klaih.

Markôs 13:9

“Păng iĕm athei kơchăng kơdih yua kơ đe gô rôp iĕm jao kơ lu kră sek tơlang. Đe gô tôn teh iĕm tơ lăm hnam akŭm đe Juđê. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh, na iĕm kư̆m gơh ră roi kơ lu sư băt kơ inh.

Markôs 4:17

Kư̆m đei ră tơnơm 'ba, mă-lei rơh sư chăt ưh kơ jrŭ, sư jing jô lôch hloi. 'Noh wă khan lu sư dang đei ră đon lui, mă-lei ưh kơ đunh, lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Markôs 8:35

Bơngai bu ưh kơ chu lôch yua kơ tơdrong Inh, bơngai noh gô lôch hoh hoh đĕch ưh kơ yua kiơ. Bơngai bu chu lôch yua kơ tơdrong Inh păng tơdrong 'nao 'lơ̆ng, sư 'noh gô arih ling-lang.

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Luka 21:17

Đĭ-đăng kơ bơngai gô areh arĕnh kơ iĕm yua kơ iĕm lui kơ Inh.

Luka 6:22

“Hiôk bĕ lu iĕm mă đe areh arĕnh, pơm kuă kơ iĕm, pơjăm pơjuă iĕm, khan iĕm bơngai kơnê̆ yua kơ iĕm lui kơ Inh Kon Bơngai.

Luka 9:24

Bơngai bu ưh kơ chu lôch yua kơ tơdrong Inh, bơngai noh lôch hoh hoh đĕch ưh kơ yua kiơ. Bơngai bu chu lôch yua kơ tơdrong Inh, sư 'noh gô arih ling-lang.

Yo 15:21

Iĕm kiơ̆ Inh na lu sư pơm kơnê̆ kơ iĕm yua kơ lu sư ưh kơ băt kơ 'Bă Inh mă wơh Inh.

Yo 9:28

Kơlih kơ sư khan thoi noh, na lu sư hil tơpă păng khan: “Ih 'maih lui lăi kơ Sư. Nhôn ưh kơ lui ôh. Nhôn lui kơ Môis đĕch.

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

I Kor 4:10

Đe lăng nhôn jang tơdrong Yêsu Krist thoi bơngai kơtul, đe lăng iĕm thoi lĕ bơngai hơgei tôm tơdrong Yêsu Krist. Nhôn bơngai tơrăn, iĕm bơngai pran. Đe pơjĭp pơjăm nhôn, gah iĕm đe ư-ang.

II Kor 4:11

Nhôn arih tơ ala teh âu, đe nŏng kơ wă pơlôch yua kơ nhôn jang tơdrong Yêsu, noh dang akâu nhôn tơbăt kơ đe Yêsu oei arih, mă khan nhôn kon bơngai lôch.

Philip 1:29

'Bok Kei-Dei 'mêm kơ iĕm na Sư ăn kơ iĕm lui kơ Yêsu, mă ưh kơ sĭ Sư ăn kơ iĕm lui kơ Yêsu lui hiôk, kơkuh kơ Sư kơkuh hiôk đĕch ôh. Sư wă kơ iĕm pơư pơang kơ đe anăn Yêsu Krist mă tơpă, na mă Sư kư̆m ăn kơ iĕm pŭ pơmat tơdrong Yêsu mơ̆n.

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

Tơdrông Tơ'bôh 2:3

Inh băt mơ̆n iĕm đei tơdrong gleh truh yua kơ jang tơdrong Inh, iĕm oei adrin khŏm khŏm ưh kơ lê̆.