Mathiơ 4:25 - Sơ̆p Hlabơar Nơ̆r 'Bok Kei-Dei

²⁵ Na lơ bơngai tơpă kiơ̆ Sư, đơ̆ng dêh Galilê, mơ'nah đơ̆ng tơring Đêkapôlis, mơ'nah đơ̆ng Pơlei Jêrusalem, mơ'nah đơ̆ng dêh Juđê, mơ'nah đơ̆ng pah to krong Jôrđăn.

Mathiơ 4:25 Iomraidhean Croise

Mathiơ 12:15

Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Mathiơ 19:2

Tơ noh đei lơ bơngai kiơ̆ Sư, na Sư chă pơklaih lu bơngai jĭ jăn.

Mathiơ 4:15

“Tơring Sabalôn păng tơring Naptali, Mă oei jê̆ đak dơsĭ, pah to krong Jôrđăn lăm dêh Galilê tơmoi mă ưh kơ lui.

Mathiơ 5:1

Yêsu 'bôh lơ bơngai wă năm tơ Sư, na Sư tŏk tơ kông; truh kơpal kông boih na Sư tơoei wă bơtho đe, lu bơngai pơhrăm păng Sư năm tơ Sư tơ ei.

Mathiơ 8:1

Lăp Yêsu jur đơ̆ng kông lu bơngai tơpôl lơ noh kư̆m jur kiơ̆ Sư mơ̆n.

Markôs 5:20

Na sư wih tơ hnam chă roi kơ đe lăm tơring Đêkapôlis tôm tơdrong Yêsu pơklaih ăn kơ sư na đĭ-đăng bơngai sơleng kơ đon.

Markôs 6:2

Lăm năr pơdơh Sa'bat Sư bơtho đe tơ hnam akŭm 'Bok Kei-Dei. Đei lơ bơngai năm mơ̆ng. Lu sư mơ̆ng hlĭch kơ đon păng khan: “Sư gơh dôm tơdrong âu đơ̆ng yơ kih? Lơliơ Sư băt tôm dôm tơdrong âu păng Sư gơh pơm tơdrong mơsêh?

Markôs 7:31

Klaih kơ noh Yêsu năm đơ̆ng tơring Tirơ drong tơ tơring Siđôn păng tơring Đêkapôlis na wih tơ đak dơsĭ Galilê.

Luka 6:17

Yêsu đơ̆ng groi kông ei jur tơ teh dơhnă hơdai hăm lu bơngai pơhrăm păng Sư. Na kư̆m đei lơ bơngai nai mă lui kiơ̆ Sư oei tơ ei mơ̆n. Kư̆m đei lơ bơngai nai năm tơ ei đơ̆ng jơ̆p kơ dêh Juđê, mơ'nah đơ̆ng Pơlei Jêrusalem, mơ'nah đơ̆ng Pơlei Tirơ păng Pơlei Siđôn mă oei kiơ̆ jih đak dơsĭ. Lu đe ei năm tơ Sư wă mơ̆ng Sư bơtho păng kư̆m wă kơ Yêsu chă pơklaih tơdrong jĭ jăn lu sư hloi.

Luka 6:19

Na đĭ-đăng kơ lu đe ei mă năm tơ Yêsu wă 'maih pel Sư yua kơ mưh pel 'bơm akâu Yêsu na mă jĭ kiơ kiơ kư̆m klaih ngăl, yua đơ̆ng tơdrong mơsêh Sư.