Mathiơ 28:7 - Sơ̆p Hlabơar Nơ̆r 'Bok Kei-Dei

⁷ Na dang ei biĕm năm hloi tơ lu bơngai pơhrăm păng Sư, khan kơ lu sư thoi âu: ‘'Bok Kei-Dei tơiung arih Sư đơ̆ng lôch boih, Sư wă năm tơ dêh Galilê hơdrol kơ iĕm, iĕm gô tơ'bơ̆p Sư tơ noh.’ Biĕm 'nĕ hiơt tơdrong Inh khan kơ biĕm âu hŏ.”

Mathiơ 28:7 Iomraidhean Croise

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Mathiơ 24:25

Iĕm athei kơchăng kơdih, yua kơ Inh roi kơ iĕm tôm tơdrong hơdrol boih.

Mathiơ 26:32

Mă-lei lăp 'Bok Kei-Dei tơiung arih Inh đơ̆ng lôch, Inh năm tơ dêh Galilê hơdrol kơ iĕm.”

Mathiơ 28:10

Yêsu khan: “Biĕm 'nĕ pă hli, biĕm jah năm khan kơ lu 'nhŏng oh Inh athei lu sư năm tơ dêh Galilê, lu sư gô tơ'bơ̆p Inh tơ noh hloi.”

Mathiơ 28:8

Đơ̆ng noh bre sư kơdâu năm roi kơ lu bơngai pơhrăm păng Yêsu tơdrong mă bre sư 'bôh noh hei. Kơplah bre sư kơdâu rok trong, jơhngơ̆m bre sư hiôk dêh na minh pah đon bre sư tơchĕng hli rah dai.

Markôs 14:28

Mă-lei lăp 'Bok Kei-Dei tơiung arih Inh đơ̆ng lôch, Inh năm tơ dêh Galilê hơdrol kơ iĕm.”

Markôs 16:10

Mari năm khan kơ lu bôl Yêsu kơplah lu sư oei hmoi ơh sơ'ngon kơ Yêsu.

Markôs 16:13

Bre sư brŏk roi kơ lu bôl sư mă-lei lu bôl sư ưh kơ lui kơ bre sư mơ̆n.

Luka 24:34

Na lu bôl sư roi kơ bre sư khan: “Kră Yang bơ̆n Yêsu iung arih tơpă boih, Simôn 'nao 'bôh Sư hei.”

Yo 14:29

Inh roi lê̆ kơ iĕm hơdrol tơdrong 'noh dang ei, na lăp iĕm 'bôh tơdrong 'noh ning-mônh, iĕm gô lui kơ Inh tơpă.

Yo 16:4

Inh roi kơ iĕm tơdrong noh dang ei na lăp iĕm tơ'bơ̆p tơpă ning-mônh na iĕm gô 'blŏk tơdrong noh đơ̆ng Inh pơma păng iĕm dang ei. Hơdrol sơ̆ Inh ưh kơ roi tơdrong 'noh, kơlih kơ Inh oei hơdai hăm iĕm.

I Kor 15:4

Đe 'bŭ Sư; kơtĕch pêng năr Sư iung arih dơ̆ng 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei tơpă.

I Kor 15:6

Đơ̆ng noh lăm minh 'măng Sư tơ'bôh kơ loi pơđăm-hrĕng 'nu bơngai lui kơ Sư. Mă lu bơngai 'noh dang ei kư̆m oei arih, kư̆m đei mơ'nah lôch mơ̆n.