Mathiơ 28:19 - Sơ̆p Hlabơar Nơ̆r 'Bok Kei-Dei

¹⁹ Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Mathiơ 28:19 Iomraidhean Croise

Bl 1:26

Kră Yang 'Bok Kei-Dei khan thoi âu: “Bĕ lu bơ̆n pơjing kon bơngai hơbŏ thoi bơ̆n, nhen thoi bơ̆n, wă kơ pơgơ̆r lu ka lăm đak dơsĭ, lu sem păr, lu sem dơrong, lu hơdrông mơmŏ kơpal teh păng jơ̆p-jang kơ teh đak.”

Êsai 48:16

Lu iĕm athei năm jê̆ Inh păng athei mơ̆ng tơdrong 'nâu: Đơ̆ng blŭng-a Inh ưh tam mă đei pơma ôn. Kơplah đei tơdrong 'noh, Inh oei tơ noh bơih, Dang ei Kră Yang wơh inh năm. Hăm yang bơhngol Sư.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Mathiơ 25:32

Năr ei kơnh đĭ-đăng rim khŭl kon bơngai akŭm 'bơ̆t anăp Inh, na Inh gô klah asong lu sư jing 'bar khŭl, kư̆m thoi bơngai wei triu klah asong triu păng bơbe sư 'bar khŭl.

Jang 1:2

tơm hmơm truh tơ năr 'Bok Kei-Dei atŏk Sư tơ plĕnh. Hơdrol kơ Sư wă tŏk tơ plĕnh, Yang Bơhngol 'Lơ̆ng ăn kơ Sư bơtho lu jơ̆ng 'bang mă đêl Sư rơih.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 14:21

Bre sư bơtho Tơdrong 'Nao 'Lơ̆ng tơ Pơlei Dibơ ei, đei lơ bơngai lui kơ Kră Yang Yêsu. Đơ̆ng noh na bre sư brŏk tơ Pơlei Litrơ, Pơlei Ikôni păng Pơlei Antiôs.

Jang 2:41

Thoi noh lu bơngai mă iŏk nơ̆r bơtho 'noh, lu sư iŏk 'batem. Lăm năr 'nei đei dang pêng-rơbâu 'nu bơngai mơ̆t tơ lu bơngai lui.

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

Jang 9:18

Thoi noh na Sôl gơh 'bôh hơdah hloi, yua kơchai măt sư huŏng. Klaih kơ noh đe pơm hloi kơ sư 'batem.

Rom 10:18

Inh wă jet iĕm, bơngai Isơrael tam kơtơ̆ng tơdrong 'Bok Kei-Dei? Lu sư kơtơ̆ng boih, lăm hla bơar 'Bok Kei-Dei kư̆m roi thoi noh: “Đe năm bơtho tơdrong Kră Yang jơ̆p-jang kơ teh đak, đơ̆ng hơlĕch truh tơ bơmơ̆t, đơ̆ng yă-nơ̆m truh tơ gơal.”

I Kor 15:29

Bĭ tơdrong âu dơ̆ng, lu bơngai mă iŏk 'batem boih, lu sư wă iŏk tang lu bơngai lui mă lôch boih ưh kơ tam iŏk 'batem, na dah lu bơngai lôch ưh kơ iung arih lei lơliơ sư wă iŏk 'batem tang lu bơngai lôch?

Galati 3:27

Đĭ-đăng kơ bơ̆n lui kơ Yêsu, klaih kơ noh iŏk 'batem, wă kơ bơ̆n jing pôm đon păng Sư.

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

I Yo 5:7

Yang Bơhngol 'Lơ̆ng kư̆m roi kơ bơ̆n thoi noh wă kơ bơ̆n băt Yêsu Kon 'Bok Kei-Dei tơpă. Yang Bơhngol 'Lơ̆ng Sư pơma ling-lang tơpăt ngăl.