Mathiơ 28:18 - Sơ̆p Hlabơar Nơ̆r 'Bok Kei-Dei

¹⁸ Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Mathiơ 28:18 Iomraidhean Croise

Horiso 89:19

Sơ̆ lăm tơdrong tơ'bôh, Ih đei pơma hăm lu bơngai 'lơ̆ng rơgoh Ih. Na khan: “Inh tơgŭm ăn boih kơ bơngai pran kơtang Inh hơtŏk bơngai mă đei rơih iŏk boih đơ̆ng lăm kon pơlei

Horiso 89:27

Inh gô ăn kơ sư jing kon kơdră drŏ-nglo Inh, jing pơtao tih hloh kơ đĭ-đăng pơtao lăm teh âu.

Tơdrông Pơđơk 8:15

Đơ̆ng Inh na đei lu pơtao gơh pơgơ̆r, Păng lu yŏng gơh pơgơ̆r pơm tơpăt gơh băt pơkă trŏ.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 3:31

“Bơngai mă jur đơ̆ng plĕnh ti, bơngai 'noh tih hloh kơ đĭ-đăng bơngai. Bơngai bu đơ̆ng ala teh âu, sư 'noh bơngai mơnglang đĕch păng sư băt pơma gah tơdrong ala teh âu đĕch. Bơngai mă jur đơ̆ng plĕnh ti 'noh tih hloh kơ đĭ-đăng bơngai tơpă.

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Jang 2:36

Inh wă kơ đĭ-đăng bơngai Isơrael băt mă nhên: Yêsu mă iĕm pơ̆ng pơlôch tơ 'long pơglang, Sư boih 'Bok Kei-Dei ăn pơm Yŏng bơ̆n păng 'Bok Krist mă pơgơ̆r bơ̆n kư̆m Sư mơ̆n.”

Rom 14:9

Truh trong tơdrong lôch, tơdrong arih, pôm Yêsu Krist đĕch truh, pôm Sư đĕch gơh pơgơ̆r bơngai lôch, bơngai arih.

I Kor 15:27

Bơ̆n băt kơ 'Bok Kei-Dei wă pơrăm tôm tơdrong kơnê̆ yua kơ sơ̆p hla bơar Sư đei khan: “'Bok Kei-Dei wă ăn kơ Kon Sư pơgơ̆r tôm tơdrong.” Mă-lei ưh kơ sĭ Yêsu Krist wă pơgơ̆r 'Bă Sư hai ôh.

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Hêbrơ 2:8

nhôn gơh pơgơ̆r tôm tơdrong.” Tơ̆ng thoi ei tơpă, ưh kơ đei tơdrong kiơ mă kon bơngai ưh kơ gơh pơgơ̆r. Mă-lei dang ei bơ̆n ưh tam 'bôh kon bơngai pơgơ̆r tôm tơdrong.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”