Mathiơ 28:17 - Sơ̆p Hlabơar Nơ̆r 'Bok Kei-Dei

¹⁷ Lăp lu sư 'bôh Yêsu boih, lu sư kơkuh bơnê kơ Yêsu. Mă-lei đei lu mơ'nah ưh tam gan lui kơ to 'noh Yêsu.

Mathiơ 28:17 Iomraidhean Croise

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 45:11

Na pơtao gô hưch wă kơ 'lơ̆ng guăng ih. Yua kơ sư jơ̆ yŏng kơdră ih, Chu yom bĕ kơ sư.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 28:9

Kơplah bre sư kơdâu rok trong Yêsu tơ'bơ̆p bre sư păng khan: “Liĕm akâu hiôk-hian kơ bơ̆n.” Bre sư năm jê̆ Yêsu rôp jơ̆ng Sư na kơkuh kơ Sư.

Markôs 16:11

Lăp lu sư kơtơ̆ng Mari khan Yêsu iung arih păng Mari khan kơ lu sư, sư 'bôh Yêsu tơpă ră, mă-lei lu sư ưh kơ lui.

Markôs 16:13

Bre sư brŏk roi kơ lu bôl sư mă-lei lu bôl sư ưh kơ lui kơ bre sư mơ̆n.

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

I Kor 15:6

Đơ̆ng noh lăm minh 'măng Sư tơ'bôh kơ loi pơđăm-hrĕng 'nu bơngai lui kơ Sư. Mă lu bơngai 'noh dang ei kư̆m oei arih, kư̆m đei mơ'nah lôch mơ̆n.