Mathiơ 27:60 - Sơ̆p Hlabơar Nơ̆r 'Bok Kei-Dei

⁶⁰ Na sư năm 'măn atâu Yêsu tơ lăm bơsat tơmo mă sư 'nao pơm hiă kơdih. Sư tơgrŏl minh pôm tơnglơ̆p tơmo tih klơ̆p 'măng bơsat, đang boih na sư brŏk.

Mathiơ 27:60 Iomraidhean Croise

Bl 50:5

'Bă inh pơkă kơ inh thoi âu: 'Nâu 'bă wă jê̆ lôch, kon athei 'bŭ 'bă tơ bơsat mă đei răt lê̆ boih lăm char Kanaan. Thoi noh dang ei inh athei tŏk tơ noh 'bŭ 'bă inh na inh gô jur dơ̆ng tơ âu.

Êsai 22:16

Ih oei tơ âu pơm kiơ? Bu ăn kơ ih oei tơ âu? Mă ih mah sir anih pơm bơsat kơ ih tơ âu? Ih sir bŏk kơ ih minh anih tơ kơpal, sir bŏk anih ih lăm tơmo.

Êsai 53:9

Đe 'măn bơih bơsat sư hơdai hăm lu bơngai kơnê̆. Mă khan sư ưh kơ đei layơ pơm tơdrong kơnê̆ păng 'bơ̆r sư ưh kơ đei hơlĕnh. Mă-lei kơplah sư lôch, đe 'bŭ sư hơdai hăm bơngai mơdrŏng;

Mathiơ 27:59

Yôsep iŏk atâu Yêsu ei, lôm păng che 'nao răt.

Mathiơ 27:66

Đơ̆ng noh na lu sư anhăk lu linh ei tơ bơsat. Lu sư pik đak 'blit tơ minh dăng hla bơar pơklep kơ 'măng tơmo, kuă ăn đe mơ̆t; păng dah đe mơ̆t lu sư kư̆m băt hloi. Păng pơkă kơ lu linh gak 'măng bơsat noh mă brĕ. Đang boih na lu sư brŏk.

Mathiơ 28:2

Na teh adrŏ mơ'nưt mơ'nat hloi, yua kơ linh jang 'lơ̆ng Kră Yang jur đơ̆ng plĕnh pơih ăn 'măng bơsat Yêsu. Linh jang ei tơoei kơpal tơnglơ̆p tơmo noh.

Luka 24:2

Lu sư 'bôh 'măng tơmo mă klơ̆p bơsat noh tơpơih boih.

Yo 11:38

Yêsu rai sơ'ngon. Lu sư năm truh tơ bơsat boih. Bơsat ei lăm tơmo hơgơp, tơnglơ̆p sư păng tơmo mơ̆n đơ̆p 'bơ̆t 'măng bơsat.

Yo 11:41

Lu sư pơih tơnglơ̆p tơmo ei. Na Yêsu ngoi tơ plĕnh krao khan kơ 'Bă Sư: “Ơ 'Bă, Inh bơnê kơ Ih kơlih kơ Ih mơ̆ng Inh krao khan kơ Ih boih.

Yo 19:41

Tơ anih đe pơ̆ng pơlôch Yêsu 'noh đei minh hlak pơgar, lăm pơgar 'noh đei minh pôm bơsat 'nao, tam mă đei tah atâu.

Yo 20:1

Tơ pơgê hrôih năr mă mônh lăm giĕng, oei măng mu, Mari Pơlei Mađơla năm tơ bơsat Yêsu. Truh tơ bơsat sư 'bôh tơmo tơgrŏl lê̆ boih đơ̆ng 'măng bơsat.