Mathiơ 27:6 - Sơ̆p Hlabơar Nơ̆r 'Bok Kei-Dei

⁶ Lu 'bok soi dônh jên noh păng khan: “Jên âu jên pơda, dah kiơ̆ kơ tơdrong juăt bơ̆n đơ̆ng sơ̆ ưh kơ gơh pơyơ̆r kơ 'Bok Kei-Dei ôh.”

Mathiơ 27:6 Iomraidhean Croise

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Mathiơ 23:24

Iĕm khan bơngai tơ'bôh kơ đe trong, mă-lei dang bơngai măt tol. Tơdrong kăl iĕm pơhơi, tơdrong hơi iĕm hăt hot. 'Noh dang iĕm chơkơih tŭk 'bruih iĕ lăm kơchŏk đak, mă tŏ aseh iĕm ưh kơ 'bôh, nhă luăn jrok hloi.

Mathiơ 27:5

Na Juđa năm klơ̆m lê̆ jên noh tơ hnam akŭm 'Bok Kei-Dei tơm, brŏk hrek hơlŏng pơlôch akâu sư kơdih.

Mathiơ 27:7

Na lu sư pơđâu băl iŏk jên noh wă răt minh hlak mir, mir 'noh đe anăn mir bơngai man ge. Lu sư răt mir noh wă pơm bơsat 'bŭ lu bơngai mă ưh kơ khŭl lu sư lôch tơ dêh lu sư.

Markôs 7:11

Mă gah lu iĕm khan: ‘Bơngai bu khan kơ mĕ 'bă sư khan: Mŭk tơmam inh wă 'me sa biĕm ră, mă-lei inh pơyơ̆r kơ 'Bok Kei-Dei đĭ boih,’

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Both 23:18

Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.