Mathiơ 27:54 - Sơ̆p Hlabơar Nơ̆r 'Bok Kei-Dei

⁵⁴ 'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Mathiơ 27:54 Iomraidhean Croise

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Mathiơ 27:36

Tôm tơdrong lu sư pơm đang boih, na lu sư tơoei ngôi lăng Yêsu.

Mathiơ 27:40

“Hmăi Ih khan wă teng pơrăm hnam akŭm 'Bok Kei-Dei tơm wă pơm plơ̆ng kơtĕch pêng năr. Tơdŏng akâu Ih kơdih wăi. Păng Ih khan Kon 'Bok Kei-Dei, jur kơdih đơ̆ng 'long pơglang wăi.”

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Mathiơ 4:3

Na yang Satan năm tơ Sư păng khan: “Dah Ih Kon 'Bok Kei-Dei tơpă, Ih kuă kơ kiơ sơkat kơ tơmo âu jing 'bĕng?”

Mathiơ 8:5

Yêsu năm tơ Pơlei Kapernum. Tơ ei đei minh 'nu 'bok tih linh sư bơngai Rôm, chă Yêsu. Lăp 'bôh boih na sư apinh thoi âu:

Markôs 15:39

Đei minh 'nu 'bok tih linh dơ̆ng tơ anăp Yêsu 'bôh Sư kơtĕch jơhngơ̆m thoi noh, na sư khan: “Bơngai âu boih Kon 'Bok Kei-Dei tơpă.”

Luka 22:70

Na đĭ-đăng lu sư jet Yêsu: “Lei Ih hăm trŏ Kon 'Bok Kei-Dei tơpă dah ưh?” Na Yêsu tơl sư khan: “Trŏ tơpă yơh.”

Yo 19:7

Lu Juđê drơ̆ng khan: “Nhôn đei tơdrong juăt, kiơ̆ thoi tơdrong juăt 'noh athei pơlôch Sư kơlih kơ Sư khan Sư Yang, Kon 'Bok Kei-Dei.”

Jang 10:1

Tơ Pơlei Sêsarê đei minh 'nu bơngai anăn sư Kôrnei. Sư 'bok yŏng linh lăm khŭl linh đe anăn khŭl Itali, mă-lei sư wei lăp minh grŭp đĕch.

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Jang 21:32

Na 'bok tih linh ei krao hloi 'bok phŏ iĕ 'biơ̆ kơ sư păng lu linh sư mơ̆n năm tơkan hloi tơ lu đe tơpôl lơ ei. Lăp lu kon pơlei pơla 'bôh 'bok tih linh păng lu linh sư, na lu kon pơlei pơla huay pă teh Pôl dơ̆ng.

Jang 23:17

Na Pôl krao minh 'nu 'bok phŏ linh păng khan: “Apinh ih năm ba bơngai tơdăm âu tơ 'bok yŏng ih. Sư đei tơdrong wă pơma hăm yŏng ih.”

Jang 23:23

Yua kơ tơdrong noh boih na 'bok tih linh krao hloi 'bar 'nu phŏ sư na khan: “Biĕm krao 'bar-hrĕng 'nu linh năm jơ̆ng hoh, tơpơh-jĭt 'nu linh hao aseh, 'bar-hrĕng 'nu linh chĕp tak. Athei lu sư hơmet bĕ năm tơ Pơlei Sêsarê tơsĭn jơ măng kơnh.

Jang 27:1

Lu 'bok tih khan wă athei Pôl năm tơ dêh char Itali wă năm tơ 'bok pơtao tơm Rôm. Inh Luka kư̆m wă năm kiơ̆ hơdai hăm Pôl mơ̆n. Na lu 'bok tih jao Pôl hăm lu bơngai bơnă nai ăn kơ minh 'nu bơngai anăn sư Julus. Sư 'bok yŏng linh lăm khŭl linh đe anăn khŭl Ôgut mă-lei sư wei lăp minh grŭp đĕch.

Jang 27:43

Mă-lei 'bok yŏng linh ưh kơeng wă pơlôch Pôl, na păng ưh kơ ăn pơlôch đĭ-đăng bơngai phak. Mă hơdrol sư athei lu bơngai gơh glơi kơtah tơ đak glơi tŏk tơ kông.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.