Mathiơ 27:43 - Sơ̆p Hlabơar Nơ̆r 'Bok Kei-Dei

⁴³ Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

Mathiơ 27:43 Iomraidhean Croise

Horiso 14:6

Lu iĕm pơrăm tơdrong lu bơngai dơnuh tơdă, Mă-lei Kră Yang jơ̆ anih lu sư kơ'nơp.

Horiso 22:8

“Sư gơnang kơ Kră Yang, wă kơ Kră Yang dŏng pơklaih sư; Tơpă Kră Yang gô pơklaih sư; Yua kơ Kră Yang 'mêm kơ sư.”

Horiso 3:2

Lơ bơngai khan kơ bơhngol inh: “Kră Yang 'Bok Kei-Dei ưh kơ đei pơklaih sư ôh!” Sêla

Horiso 42:10

Prăt năr ngăl apinh: “Kră Yang 'Bok Kei-Dei ih tơ yơ?” Kơplah lu sư pơjăm inh pơm kơ kơting inh thoi tơgơ̆ đĭ.c

Horiso 71:11

Păng khan: “Kră Yang 'Bok Kei-Dei achăng lê̆ sư boih; Bĕ druh rôp sư, yua kơ ưh kơ đei bu dŏng pơklaih sư.”

Êsai 36:15

Kŭm 'nĕ ăn pơtao Hesekia pơdrŭt lu iĕm gơnang kơ Kră Yang na khan: ‘Kră Yang gô dŏng pơklaih lu bơ̆n ngei păng pơlei âu gô ưh kơ đei jao ăn lăm ti pơtao Asiri ôh!

Êsai 36:18

Kơchăng bĕ, kơnh hli kơ pơtao Hesekia pơhlŭ pơlung lu iĕm khan: ‘Kră Yang gô dŏng pơklaih lu bơ̆n hăm đei ưh yang lu teh đak đe nai, gơh dŏng pơklaih teh đak lu sư đơ̆ng ti pơtao Asiri?

Êsai 37:10

Lu iĕm roi bĕ kơ Hesekia pơtao Juđa khan: 'Nĕ ăn ôh Kră Yang 'Bok Kei-Dei mă ih gơnang hơlĕnh kơ ih, khan: Pơlei Jêrusalem gô ưh kơ đei jao lăm ti pơtao dêh Asiri.

Mathiơ 27:40

“Hmăi Ih khan wă teng pơrăm hnam akŭm 'Bok Kei-Dei tơm wă pơm plơ̆ng kơtĕch pêng năr. Tơdŏng akâu Ih kơdih wăi. Păng Ih khan Kon 'Bok Kei-Dei, jur kơdih đơ̆ng 'long pơglang wăi.”

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Luka 23:35

Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”

Luka 23:37

Na lu sư khan thoi âu: “Dah Ih Pơtao bơngai Juđê tơpă, lei Ih pơklaih akâu Ih kơdih lăng.”

Yo 10:30

Nhi 'Bă Inh dang minh 'nu akâu đĕch.”

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 19:7

Lu Juđê drơ̆ng khan: “Nhôn đei tơdrong juăt, kiơ̆ thoi tơdrong juăt 'noh athei pơlôch Sư kơlih kơ Sư khan Sư Yang, Kon 'Bok Kei-Dei.”