Mathiơ 27:3 - Sơ̆p Hlabơar Nơ̆r 'Bok Kei-Dei

³ Lăp Juđa bơngai mă plơ̆ plĕch Yêsu, sư băt kơ đe wă pơlôch Yêsu tơpă, na sư mah hmach kơ plơ̆ plĕch Yêsu, na sư năm tơwih ră kơ lu 'bok soi, lu đe kră, pêng-jĭt hlak jên đơ̆ng đe apah noh.

Mathiơ 27:3 Iomraidhean Croise

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Le 21:32

tơdah rơmo tơ̆m 'bơm đĭch đam drŏ-nglo dah drŏ-kăn, tơ'ngla rơmo athei duh pêng-jĭt hlak sêikơla jên hu ăn kơ tơ'ngla sư; na rơmo 'noh gô klơ̆m pơlôch păng tơmo.

Sa 11:13

Kră Yang khan kơ inh thoi âu: “Tôi ba tơpei hu noh mă tơmam gĭt sư apah inh na ba kơ bơngai mă hling sư!” Inh iŏk hloi pêng-jĭt tơpei hu noh năm ba hloi kơ bơngai mă hling sư tơ lăm hnam akŭm 'Bok Kei-Dei.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 13:27

Lăp Juđa iŏk 'bĕng mi ei yang Satan mơ̆t lăm jơhngơ̆m sư hloi. Na Yêsu khan kơ Juđa: “Ih jah năm wăi, na ih jah pơm tơdrong ih wă pơm.”

Yo 18:3

Thoi noh Juđa năm krao iŏk lu linh Rôm păng lu linh Juđê mă gak hnam akŭm tơm mă đêl lu 'bok soi tih hăm lu khŭl Pharisi pơkă ăn kơ lu sư. Lu sư tơ̆k ŭnh, chĕp đao, hơlă, hră, năm tơ pơgar ei.

Jang 1:18

“Juđa iŏk jên đơ̆ng bơngai wă rôp Yêsu na đơ̆ng jên ei sư blơ̆ răt mir đe. Đơ̆ng noh na Juđa sư pơrăm kơdih akâu, sư huŏng hơtat pơchah klak lôch hloi.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.