Mathiơ 27:26 - Sơ̆p Hlabơar Nơ̆r 'Bok Kei-Dei

²⁶ Thoi noh boih na Pilat tơlĕch ăn kơ lu sư 'Barra'ba; sư athei lu linh sư teh tach Yêsu păng sơnguĕt păng pơjao kơ lu linh sư pơ̆ng pơlôch Yêsu tơ 'long pơglang.

Mathiơ 27:26 Iomraidhean Croise

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 53:5

Đe 'bet sư rơka yua kơ tơdrong yoch lu bơ̆n. Yua kơ tơdrong kơnê̆ lu bơ̆n na đe pơjĭ sư. Đơ̆ng sư chu đe phak na lu bơ̆n đei hiôk-hian. Sư chu pŭ rơka wă kơ bơ̆n gơh klaih hiôk.

Mathiơ 20:19

păng jao Inh kơ lu bơngai dêh đe pơlôch. Lu dêh đe ei gô hiĕk achơ̆ kơ Inh păng teh tach pơjĭ Inh, klaih kơ noh sư pơ̆ng pơlôch hloi tơ 'long pơglang. Mă-lei kơtĕch pêng năr đơ̆ng rŏng Inh gô iung arih dơ̆ng.”

Markôs 10:34

Lu dêh đe ei gô hiĕk achơ̆ kơ Inh, kơsoh pơ'brơh kơ Inh đak hai păng teh tach pơjĭ Inh, klaih kơ noh pơlôch hloi. Mă-lei kơtĕch pêng năr đơ̆ng rŏng Inh gô iung arih dơ̆ng.”

Markôs 15:15

Thoi noh na Pilat wă kơ jơhngơ̆m đon lu kon pơlei pơla rơngơp hiôk, na sư tơlĕch ăn kơ lu sư 'Barra'ba. Na sư athei lu linh sư teh tach Yêsu păng sơnguĕt păng pơjao kơ lu linh sư pơ̆ng pơlôch Yêsu tơ 'long pơglang.

Luka 23:16

Inh gô ăn kơ lu linh teh pơjĭ Sư păng sơnguĕt na đơ̆ng noh tơlĕch Sư đĕch.”

Yo 19:1

Thoi noh Pilat năm ba Yêsu ăn kơ lu linh sư teh tach Sư păng sơnguĕt.

Yo 19:16

Thoi noh Pilat pơjao ăn kơ lu sư Yêsu wă pơ̆ng pơlôch tơ 'long pơglang. Lu sư anhăk ba Yêsu hloi.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.