Mathiơ 27:24 - Sơ̆p Hlabơar Nơ̆r 'Bok Kei-Dei

²⁴ Pilat pă kĕ pơjah pơjăng thoi yơ boih, yua kơ 'bơ̆r kon pơlei pơla re rai dêh, na Pilat sŏ đak ôp ti sư kơdih 'bơ̆t anăp đe tơpôl păng khan: “Inh ưh kơ wă pơlôch ôh bơngai âu, iĕm đĕch wă pơlôch.”

Mathiơ 27:24 Iomraidhean Croise

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Je 2:35

‘Lu iĕm oei khan nhôn ưh kơ đei yoch, Kră Yang huay hil kơ nhôn. 'Nâu yua kơ iĕm khan nhôn ưh kơ đei yoch kiơ.’ Inh gô sek tơlang kơ iĕm.

Mathiơ 26:5

Lu sư khan: “Kơplah năr giĕng âu bơ̆n 'nĕ kơ pơm tơdrong noh, yua kơ năr giĕng âu kon tơring tơrang truh lơ, hli kơ lu sư blah bơ̆n.”

Mathiơ 27:19

Kơplah Pilat oei tơ hnam sek tơlang, na akăn sư athei đe khan kơ klo sư thoi âu: “E 'nĕ pơm kơnê̆ kơ Yêsu hŏ, Sư ưh kơ đei yoch ôh. Inh sơ'ngon dêh yua kơ inh apo 'bôh tơdrong Sư măng hei hlĭch tơpă.”

Mathiơ 27:23

Pilat khan kơ lu sư: “Kơlih kơ kiơ iĕm wă pơlôch Sư? Sư pơm tơdrong yoch kiơ?” Lu sư rai pơma re khan: “Pơ̆ng pơlôch Sư tơ 'long pơglang.”

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Mathiơ 27:9

Tơdrong noh 'blep trŏ thoi Jêrêmi khan lê̆ hơdrol sơ̆ thoi âu: “Đe iŏk pêng-jĭt hlak jên đêl lu bơngai Isơrael khan wă răt minh 'nu bơngai.

Yo 13:9

Na Pêtrôs khan: “Ơ 'Bok, lei ưh kơ sĭ Ih ôp jơ̆ng inh đĕch ôh, Ih ôp tôm kơ jơ̆ng ti muh măt inh hloi.”

Yo 19:4

Pilat lĕch dơ̆ng khan kơ lu bơngai Juđê: “Gô inh krao Sư tơ âu wă kơ iĕm băt inh ưh kơ 'bôh Sư đei tơdrong yoch kiơ ôh.”

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.