Mathiơ 27:22 - Sơ̆p Hlabơar Nơ̆r 'Bok Kei-Dei

²² Na Pilat khan: “Tơ̆ng lei, inh wă pơm kiơ kơ Yêsu mă đe anăn 'Bok Krist âu?” Na lu kon pơlei pơla khan: “Pơ̆ng pơlôch Sư tơ 'long pơglang.”

Mathiơ 27:22 Iomraidhean Croise

Jop 31:31

Lu bơngai lăm hnam dơnŏ inh ưh kơ đei pơma: “Hăm đei bu mă Jop ưh kơ đei ăn sa 'nhĕm phĭ mah?”

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Mathiơ 1:16

Jakôp pơjing Yôsep, Yôsep klo Mari. Mari pơjing Yêsu, mă đe anăn Krist. Yêsu Krist âu boih bơngai mă 'Bok Kei-Dei ăn wă pơm pơtao bơ̆n.

Mathiơ 27:17

Lăp lu kon pơlei năm akŭm tơ Pilat, na Pilat jet lu sư thoi âu: “Iĕm wă kơ inh tơlĕch bu, 'Barra'ba dah Yêsu mă đe anăn 'Bok Krist?”

Mathiơ 27:21

Pilat jet lu kon pơlei pơla dơ̆ng: “'Bar 'nu bre âu, iĕm wă kơ inh tơlĕch ăn kơ iĕm bu?” Na lu sư khan: “Nhôn wă kơ 'Barra'ba.”

Mathiơ 27:23

Pilat khan kơ lu sư: “Kơlih kơ kiơ iĕm wă pơlôch Sư? Sư pơm tơdrong yoch kiơ?” Lu sư rai pơma re khan: “Pơ̆ng pơlôch Sư tơ 'long pơglang.”

Markôs 14:55

Lu 'bok soi tih păng đĭ-đăng lu kră sek tơlang, lu sư chă bơngai mă 'bôh Yêsu pơm tơdrong kơnê̆ wă kơ lu sư gơh pơlôch Yêsu. Mă-lei sư chă ưh kơ đei bu.

Yo 4:25

Duch ei khan kơ Yêsu: “Inh băt kơ 'Bok Mêsi mă đe anăn 'Bok Krist Sư gô truh wă pơgơ̆r kon bơngai, mưh Sư truh boih Sư roi ăn kơ nhôn tôm tơdrong.”

Jang 13:28

Ưh kơ đei bơngai bu 'bôh tơdrong Yêsu pơm kơnê̆ ôh. Lu sư kư̆ kơ jâu đĕch. Lu sư apinh Pilat pơlôch Sư tăm.

Jang 13:38

Ơ lu 'nhŏng oh, inh wă kơ iĕm băt tơpă tơdrong âu: Yua kơ Yêsu na iĕm gơh klaih đơ̆ng tơdrong yoch.