Mathiơ 27:14 - Sơ̆p Hlabơar Nơ̆r 'Bok Kei-Dei

¹⁴ Mă-lei Yêsu 'nhŏ kơ tơl, na 'bok tih Pilat sơleng kơ đon.

Mathiơ 27:14 Iomraidhean Croise

Horiso 71:7

Inh nhen tơmam pơm hlĭch kơ lơ bơngai, mă-lei Ih jơ̆ anih inh kơ'nơp kơjăp.

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Mathiơ 27:12

Lu 'bok soi tih, lu đe kră sek tơlang jâu Yêsu lơ tơdrong, mă-lei Yêsu ưh kơ tơl.

Mathiơ 27:13

Na Pilat khan kơ Sư: “Ih hăm kơtơ̆ng dôm tơdrong đe jâu Ih noh?”

Markôs 15:5

Mă-lei Yêsu 'nhŏ kơ tơl na Pilat sơleng kơ đon.

Luka 23:9

Thoi noh na Hêrôt jet Sư lơ tơdrong mă-lei Yêsu 'nhŏ kơ drơ̆ng hơya minh nơ̆r 'biơ̆.

Yo 19:9

Sư mơ̆t dơ̆ng tơ hnam birô păng jet Yêsu: “Ih đơ̆ng yơ?” Yêsu ưh kơ đei drơ̆ng tơwih kơ sư ôh.

I Kor 4:9

Thoi inh chă tơchĕng, 'Bok Kei-Dei ăn kơ khŭl nhôn pơm jơ̆ng 'bang Yêsu lŭch hloh kơ đĭ-đăng bơngai, nhôn dang bơngai đe wă pơlôch đĕch; jơ̆p-jang kơ plĕnh teh, kon bơngai, linh jang 'lơ̆ng 'bôh đe pơm kơ nhôn thoi noh tơpă.