Mathiơ 27:11 - Sơ̆p Hlabơar Nơ̆r 'Bok Kei-Dei

¹¹ Yêsu dơ̆ng 'bơ̆t anăp Pilat, na Pilat jet Sư khan: “Hăm trŏ kơ Ih pơm pơtao đe Juđê?” Yêsu khan: “Trŏ kơ Inh boih.”

Mathiơ 27:11 Iomraidhean Croise

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Mathiơ 2:2

“Tơ yơ anih mă đe 'nao tơpŭ kơ pơtao Juđê? Nhôn 'bôh sơnglŏng Sư đơ̆ng gah hơlĕch, na nhôn hnhoi sơnglŏng noh truh tơ âu wă năm kơkuh kơ Sư.”

Mathiơ 26:25

Na Juđa bơngai wă plơ̆ plĕch Sư ei khan: “Ơ 'Bok Thây, inh hă?” Yêsu khan: “Trŏ boih, ih wă plơ̆ plĕch Inh.”

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Markôs 14:62

Yêsu tơl: “Inh boih Krist. Ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin, na đơ̆ng noh jur đơ̆ng plĕnh hăm hơmơ̆l.”

Luka 22:70

Na đĭ-đăng lu sư jet Yêsu: “Lei Ih hăm trŏ Kon 'Bok Kei-Dei tơpă dah ưh?” Na Yêsu tơl sư khan: “Trŏ tơpă yơh.”

I Tim 6:13

Đĭ-đăng khŭl arih tơ ala teh đơ̆ng 'Bok Kei-Dei ăn arih ngăl. Yêsu Krist pơma 'lơ̆ng tơpăt 'bơ̆t anăp 'bok pơtao Pilat. Na ih oei 'bơ̆t anăp 'Bok Kei-Dei păng Yŏng bơ̆n Yêsu Krist, ih athei kơchăng pơm kiơ̆ dôm tơdrong Sư pơkă kơ bơ̆n. 'Nĕ ăn đe tơplih tơdrong Sư pơkă kơ bơ̆n 'noh. Ih athei wei ling-lang tơ̆p truh năr Yŏng bơ̆n Yêsu Krist jur ning-mônh.