Mathiơ 26:72 - Sơ̆p Hlabơar Nơ̆r 'Bok Kei-Dei

⁷² Mă-lei Pêtrôs oei sơngah khan: “Inh khan kơ iĕm tơpă, inh ưh kơ băt kơ Sư ôh.”

Mathiơ 26:72 Iomraidhean Croise

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Sa 8:17

'Nĕ chă tơdrong kơnê̆ lăm jơhngơ̆m 'nĕ kơ tơhil hăm lu rông 'bôt; păng 'nĕ kơ pơma hơlĕnh, yua kơ noh jơ̆ tơdrong mă Inh areh.” Kră Yang khan thoi noh.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 26:71

Na Pêtrôs lĕch đơ̆ng noh ngôi kiơ̆ trong 'măng tơm, đei minh 'nu bơngai drŏ-kăn nai 'bôh sư na khan kơ lu bôl sư kiơ̆ ei: “Bơngai âu oei hơdai Yêsu đơ̆ng Pơlei Nasaret mơ̆n.”

Mathiơ 26:73

Lăp đunh 'biơ̆ kơ noh lu bơngai oei kiơ̆ ei năm tơ Pêtrôs păng khan: “Ih khŭl lu sư tơpă na ih pơma lei-lăi thoi lu sư.”

Mathiơ 26:74

Na Pêtrôs sơngah hiap akâu sư kơdih khan: “Inh ưh kơ băt tơpă bơngai mă iĕm khan noh.” Đang sư pơma thoi noh lêk kơ iĕr ŏ hloi.

Luka 22:34

Na Yêsu khan kơ sư thoi âu: “Ơ Pêtrôs, Inh khan kơ ih tơpă, măng kơnh boih, hơdrol kơ iĕr wă ŏ, ih gô sơngah kơ Inh pêng 'măng khan ih ưh kơ băt kơ Inh.”