Mathiơ 26:61 - Sơ̆p Hlabơar Nơ̆r 'Bok Kei-Dei

⁶¹ iung pơma jâu Sư khan: “Bơngai âu Sư khan Sư gơh yuih hnam akŭm 'Bok Kei-Dei tơm, na pơm ming plơ̆ng dơ̆ng kơtĕch pêng năr keh hloi.”

Mathiơ 26:61 Iomraidhean Croise

Bl 19:9

Na kon pơlei khan: “Ih weh tơ nai!” Khan dơ̆ng: “Ih tơmoi truh tơ âu năm oei đĕch, mă-lei ih 'maih wă sek tơlang kơ nhôn hă? Thoi noh! Gô nhôn pơm kơnê̆ kơ ih păng bre tơmoi noh.” Na, lu sư tŭn drŭt Lot kơtang dêh păng tŭn drŭt wă kơ 'măng noh pơchah.

I Pot 22:27

khan: “Pơtao khan thoi âu: Rôp chĭt bơngai 'nâu lăm hnam bơnă, iŏk 'bĕng păng đak tŏ sĕt, rong pơmat sư dĭng truh năr inh brŏk hiôk-hian.”

II Pot 9:11

Na Jêhu lĕch hĭ đơ̆ng ei năm truh tơ lu đĭch đam yŏng tơ'ngla sư. Lu đe ei jet khan: “Tôm tơdrong hiôk 'lơ̆ng mơ̆n? Bơngai wơnh 'noh hei sư chă kiơ kơ ih?” Sư tơl lu đe ei khan: “Lu iĕm băt kơ sư păng băt nơ̆r sư pơma.”

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mathiơ 12:24

Lu bơngai Pharisi kơtơ̆ng thoi noh, lu sư khan: “'Noh đơ̆ng yang Belsêbul yŏng yang kơnê̆ tơgŭm Sư na Sư gơh pơpuh lu yang kơnê̆ noh.”

Mathiơ 26:62

Thoi noh boih na 'bok soi tơm iung jet Yêsu: “Đe jâu Ih, Ih kuă kơ kiơ kơ pơma?”

Mathiơ 26:71

Na Pêtrôs lĕch đơ̆ng noh ngôi kiơ̆ trong 'măng tơm, đei minh 'nu bơngai drŏ-kăn nai 'bôh sư na khan kơ lu bôl sư kiơ̆ ei: “Bơngai âu oei hơdai Yêsu đơ̆ng Pơlei Nasaret mơ̆n.”

Mathiơ 27:40

“Hmăi Ih khan wă teng pơrăm hnam akŭm 'Bok Kei-Dei tơm wă pơm plơ̆ng kơtĕch pêng năr. Tơdŏng akâu Ih kơdih wăi. Păng Ih khan Kon 'Bok Kei-Dei, jur kơdih đơ̆ng 'long pơglang wăi.”

Mathiơ 27:5

Na Juđa năm klơ̆m lê̆ jên noh tơ hnam akŭm 'Bok Kei-Dei tơm, brŏk hrek hơlŏng pơlôch akâu sư kơdih.

Markôs 14:58

“Nhôn kơtơ̆ng Sư khan wă yuih hnam akŭm 'Bok Kei-Dei tơm đêl đe pơm păng ti, na Sư gô pơm ming plơ̆ng dơ̆ng kơtĕch pêng năr keh hloi, mă-lei ưh kơ pơm păng ti.”

Markôs 15:29

Lu đe mă brŏk năm trong ei tơtreh kơ̆l tơhmăi Yêsu khan: “Hmăi Ih khan wă teng pơrăm hnam akŭm 'Bok Kei-Dei tơm wă pơm plơ̆ng kơtĕch pêng năr.

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Yo 9:29

Nhôn băt 'Bok Kei-Dei pơma păng Môis tơpă. Mă-lei bơngai noh nhôn ưh kơ băt Sư bơngai đơ̆ng yơ.”

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 18:13

Lu bơngai Juđê khan kơ 'bok Galiôn thoi âu: “Bơngai âu athei đe lui kơkuh kơ 'Bok Kei-Dei ưh kơ trŏ thoi tơdrong juăt bơ̆n, na ih athei phak sư.”

Jang 22:22

Lu bơngai Juđê chu mơ̆ng Pôl pơma kơ lu sư tôch 'bơ̆t Yêsu wơh sư năm bơtho pơlei tơmoi. Lu sư kơtơ̆ng tơdrong noh na lu sư ơh, pơma re khan: “Pơlôch Pôl bĕ. Sư bơngai kơnê̆, ưh kơ trŏ ăn kơ sư arih ôh.”