Mathiơ 26:58 - Sơ̆p Hlabơar Nơ̆r 'Bok Kei-Dei

⁵⁸ Pêtrôs kiơ̆ lăng Yêsu đơ̆ng rŏng ataih ataih, truh tơ cham hnam 'bok soi tơm, sư oei ngôi hơdai lu bơngai gak. Sư kiơ̆ mơ̆ng wă kơ băt tơdrong đe pơm kơ Yêsu thoi yơ.

Mathiơ 26:58 Iomraidhean Croise

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Mathiơ 5:25

“Dah đe năm apinh tơmam đêl iĕm hre kơ đe, na iĕm jah pơđang tơdrong hre noh hloi, 'nĕ kơ gô sư anhăk iĕm tơ 'bok sek tơlang, hli kơ đe gô rôp tah iĕm tơ hnam phak.

Luka 22:54

Na lu sư rôp hloi Yêsu anhăk Sư tơ hnam 'bok soi tơm. Na Pêtrôs kiơ̆ lăng Sư đơ̆ng rŏng đơ̆ng rŏng Sư ataih ataih.

Yo 18:25

Pêtrôs oei nhur ŭnh. Lu bơngai nhur ŭnh ei jet Pêtrôs: “Hăm trŏ kơ ih pơhrăm păng Yêsu?” Pêtrôs sơngah khan: “Ưh ôh, inh ưh.”

Yo 19:6

'Bôh Yêsu boih, lu 'bok soi tih hăm lu linh ôr pơret khan: “Pơ̆ng Sư tơ 'long pơglang, pơ̆ng pơlôch Sư tơ 'long pơglang.” Pilat khan: “Lu iĕm iŏk Sư bĕ, pơ̆ng pơlôch Sư tơ 'long pơglang. Gah inh, inh ưh kơ 'bôh Sư pơm yoch kiơ ôh.”

Yo 7:32

Bơngai Pharisi kơtơ̆ng ang kon pơlei pơma 'bơm Yêsu thoi noh, na lu bơngai Pharisi păng lu 'bok soi tih wơh lu linh sư năm rôp Yêsu.

Yo 7:45

Lu linh ei brŏk hoh đĕch tơ lu yŏng sư. Na lu yŏng sư 'bok soi tih păng lu đe Pharisi jet lu linh sư khan: “Lơliơ iĕm ưh kơ rôp anhăk Sư tơ âu?”

Jang 5:22

Mă-lei lăp lu linh truh tơ hnam phak 'biao ưh kơ 'bôh lu sư lăm ei. Na lu linh brŏk tơ đe kră sek tơlang păng khan:

Jang 5:26

Na 'bok yŏng linh păng lu linh sư năm rôp dơ̆ng jơ̆ng 'bang Yêsu. Mă-lei lu linh ưh kơ đei pơm kơnê̆ ôh yua kơ lu sư hli kơ kon pơlei klơ̆m lu sư păng tơmo.