Mathiơ 26:55 - Sơ̆p Hlabơar Nơ̆r 'Bok Kei-Dei

⁵⁵ Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Mathiơ 26:55 Iomraidhean Croise

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Mathiơ 26:47

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu pơhrăm păng Yêsu. Đei lơ bơngai kiơ̆ sư chĕp tak đao mơ'nah chĕp 'long tơnôn, yua kơ lu 'bok soi tih, lu đe kră sek tơlang đe Juđê wơh lu sư năm rôp Yêsu.

Markôs 10:1

Yêsu năm đơ̆ng Pơlei Kapernum ei mơ̆t brih lăm dêh Juđê păng hơloh năm hloi tơ dêh pah to krong Jôrđăn. Tơ ei đei lơ bơngai năm akŭm tơ Sư dơ̆ng, na Sư bơtho đe kư̆m thoi krô hmă.

Markôs 12:35

Kơplah Yêsu oei bơtho lăm hnam akŭm 'Bok Kei-Dei tơm Sư khan: “Liơ lu 'bok thây bơtho tơdrong juăt đe Juđê khan 'Bok Krist mă 'Bok Kei-Dei wơh pơm Pơtao, Sư kon sâu pơtao Đawit đĕch?

Luka 19:47

Yêsu bơtho rim năr tơ lăm hnam akŭm 'Bok Kei-Dei tơm. Na lu 'bok soi tih, lu thây bơtho tơdrong juăt păng lu đe kră pơlei wă rôp pơlôch Sư ră.

Luka 20:1

Minh năr ei kơplah Yêsu oei bơtho đe tơdrong 'nao 'lơ̆ng tơ lăm hnam akŭm 'Bok Kei-Dei tơm, na lu 'bok soi tih, lu thây bơtho tơdrong juăt, hăm lu đe kră sek tơlang năm jet Yêsu khan: “Apinh Ih roi kơ nhôn bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Luka 4:20

Yêsu đŏk lăng tơdrong noh đang boih na Sư đơ̆p lê̆ hla bơar noh pơdrĕo ăn kơ bơngai wei-lăng lăm hnam akŭm ei. Đơ̆ng noh Sư tơoei wă bơtho thoi đe noh juăt sơ̆, na đĭ-đăng kơ lu bơngai oei lăm hnam akŭm ei pơglăn lăng tơ Sư.

Yo 7:14

Lăp tŏk-bŏk năr giĕng ei na Yêsu mơ̆t lăm hnam akŭm 'Bok Kei-Dei tơm, na Sư bơtho đe lăm noh.

Yo 7:28

Yêsu băt kơ lu sư pơma thoi noh na Sư bơtho 'bơ̆r re lăm hnam akŭm 'Bok Kei-Dei tơm: “Lu iĕm khan iĕm băt kơ Inh bơngai đơ̆ng yơ. Mă tơpă ưh kơ sĭ Inh bơngai đơ̆ng noh ôh. Ưh kơ sĭ Inh truh tơ iĕm yua kơ akâu Inh wă kơdih ôh. 'Bok Kei-Dei wơh Inh tơpă. Mă-lei iĕm ưh kơ băt kơ Sư.

Yo 8:2

Na pơgê hrôih dơning Yêsu hơloh năm tơ hnam akŭm 'Bok Kei-Dei tơm tơ Pơlei Jêrusalem. Na đĭ-đăng bơngai tơ ei năm mơ̆ng Sư bơtho, na Sư tơoei bơtho lu đe ei.

Yo 8:20

Yêsu bơtho tơdrong âu, Sư bơtho lăm hnam akŭm 'Bok Kei-Dei tơm, 'bơ̆t anih đe tah jên pơyơ̆r kơ Kră Yang. Mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.