Mathiơ 26:38 - Sơ̆p Hlabơar Nơ̆r 'Bok Kei-Dei

³⁸ Na Sư khan kơ pêng 'nu noh: “Dang ei Inh sơ'ngon dêh dang lĕ kơ wă lôch, na iĕm ngôi 'bơ̆t âu kral kơchăng ngôi hơpong kơ Inh 'biơ̆ hŏ.”

Mathiơ 26:38 Iomraidhean Croise

Horiso 116:3

Bră tơdrong lôch chô̆ tăp kơ inh, Tơdrong pơmat dêh atâu rôp inh, tơdrong truh kơ inh pơmat păng sơ'ngon.

Horiso 42:5

Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

Hơri Hiôk 5:3

Inh plôh lê̆ ao 'nguaih boih. Liơ gơh hrŭk sư dơ̆ng. Inh ôp lê̆ jơ̆ng inh 'lơ̆ng boih, Liơ inh gơh ăn kơ sư trôk dơ̆ng.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mathiơ 25:13

Yêsu pơtih gia tơdrong noh đang boih na Sư khan: “Iĕm athei kơchăng mă tơpă, yua kơ iĕm ưh kơ băt năr ayơ, jơ ayơ Inh wă jur tơ iĕm.”

Markôs 14:34

Na Sư khan kơ pêng 'nu noh: “Dang ei Inh sơ'ngon dêh dang lĕ kơ wă lôch, na iĕm ngôi 'bơ̆t dâu, kral kơchăng ngôi hơpong kơ Inh 'biơ̆ hŏ.”

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.