Mathiơ 26:37 - Sơ̆p Hlabơar Nơ̆r 'Bok Kei-Dei

³⁷ Yêsu anhăk ba lăp pêng 'nu đĕch truh tơ anih Sư krao khan. Pêtrôs păng 'bar 'nu bre 'nhŏng oh kon Sêbêđê. Yêsu sơ'ngon dêh yua kơ Sư băt kơdih wă đei tơdrong gleh truh.

Mathiơ 26:37 Iomraidhean Croise

Mathiơ 17:1

Tơdrâu năr đơ̆ng rŏng kơ năr noh, Yêsu anhăk pêng 'nu bơngai pơhrăm păng Sư, anăn lu sư Pêtrôs, Yakơ, Yôhan oh Yakơ, lu sư tŏk tơ kông kơjung kơdrô̆ lu sư.

Mathiơ 20:20

Hơtai ei akăn Sêbêđê năm tơ Yêsu yak hơdai kon sư bre Yakơ hăm Yôhan. Na sư sơtơ̆p kŭl-tăng kơkuh kơ Yêsu apinh Yêsu tơgŭm sư.

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

Mathiơ 4:21

Lu sư yak ataih 'biơ̆ đơ̆ng noh na tơ'bơ̆p dơ̆ng 'bar 'nu 'nhŏng oh nai. Anăn bre sư Yakơ hăm oh sư Yôhan kon Sêbêđê; bre sư oei kơpal thŏng-nan hăm 'bă sư oei hrăk ming jal, na Yêsu krao bre sư.

Markôs 5:37

Yêsu ưh kơ ăn đe kiơ̆ Sư, Sư ăn lu bơngai âu đĕch kiơ̆ Sư: Pêtrôs, Yakơ păng Yôhan mă oh Yakơ.

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.