Mathiơ 26:29 - Sơ̆p Hlabơar Nơ̆r 'Bok Kei-Dei

²⁹ Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bă Inh pơgơ̆r ning-mônh 'mơ̆i, na Inh gô huch đak hơmu 'nao hơdai iĕm.”

Mathiơ 26:29 Iomraidhean Croise

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Horiso 4:7

Kră Yang, Ih ăn boih kơ inh tơdrong chơt hiôk dêh. Hloh kơ lu sư chơt hiôk đei 'ba mi lơ, păng sik đak hơmu rơkah rơkai

Horiso 40:3

Sư ăn kơ 'bơ̆r inh đei 'bai hơri 'nao, Hơri bơnê kơkuh kơ Kră Yang 'Bok Kei-Dei lu bơ̆n. Lơ bơngai gô 'bôh păng hli, Păng gơnang kơ Kră Yang.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Mathiơ 13:43

Gah lu bơngai mă 'lơ̆ng tơpăt, năr noh kơnh lu sư oei hiôk hơđơ̆ng tơ dêh char 'Bă bơ̆n, dang lu sư pơchrang hơdah thoi lĕ kơ măt 'năr. Bu đei đon athei tơchĕng kơdih bĕ.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Mathiơ 26:28

đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Mathiơ 26:30

Đang Sư pơma thoi noh boih lu sư hơri minh tơdrong 'Bok Kei-Dei, đơ̆ng noh lĕch năm hloi tơ kông Ôliwơ.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Markôs 14:25

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bok Kei-Dei pơgơ̆r ning-mônh 'mơ̆i, na Inh gô huch đak hơmu 'nao.”

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Yo 15:11

“Inh roi ăn kơ iĕm dôm tơdrong âu wă kơ iĕm chơt hiôk kư̆m thoi Inh chơt hiôk. Thoi noh na lu iĕm gô chơt hiôk tơpă.

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Yo 17:13

“Na dang ei Inh wă tŏk oei hơdai păng Ih, mă-lei hơdrol kơ Inh wă tŏk Inh roi kơ Ih dôm nơ̆r âu wă kơ lu sư hiôk chơt tơduă lu sư, kư̆m thoi ba hiôk chơt tơduă ba.

Jang 10:41

Mă-lei Sư ưh kơ tơ'bôh akâu Sư kơ đĭ kon pơlei pơla ôh. Sư tơ'bôh akâu Sư kơ lu bơngai Sư rơih hơdrol wă pơm kơdranh kơ Sư iung arih boih. Sư tơ'bôh akâu Sư kơ nhôn. Nhôn sŏng sa hơdai păng Sư đơ̆ng rŏng kơ Sư iung arih.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Tơdrông Tơ'bôh 14:3

Lu sư hơri minh tơdrong 'nao 'bơ̆t anăp tang-dŏ 'Bok Kei-Dei, 'bơ̆t anăp puăn anăn păng 'bơ̆t anăp lu đe kră. Pôm lu minh-hrĕng puăn-jĭt puăn-rơbâu 'nu noh đĕch gơh hơri tơdrong 'nao ei, lu nai ưh kơ đei bu gơh ôh, yua kơ lu bơngai noh 'Bok Kei-Dei huai iŏk lu sư đơ̆ng khŭl bơngai ala teh âu boih.

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”