Mathiơ 26:28 - Sơ̆p Hlabơar Nơ̆r 'Bok Kei-Dei

²⁸ đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Mathiơ 26:28 Iomraidhean Croise

Je 31:31

Kră Yang khan: “Khei 'năr gô truh, kơplah noh Inh gô pơgơ̆p 'nao hăm lu bơngai Isơrael păng lu adrĕch Juđa.

Lêwi 17:11

Yua kơ tơdrong ariha sĕch akar oei tơ lăm pham; Inh ăn boih kơ lu iĕm pham tơtraih tơ chơnang soi wă soi sơmah huai đơ̆ng yoch bơhngol lu iĕm; yua kơ pham jing tơdrong arih.

Sa 9:11

“Gah ih kư̆m lei-lăi, yua kơ đơ̆ng pham tơdrong Inh pơgơ̆p hăm ih, na Inh gô pơklaih lu bơnă đơ̆ng sơlŭng mă ưh kơ đei đak.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Mathiơ 26:27

Sư iŏk dơ̆ng minh pôm kơchŏk đak hơmu, krao khan bơnê kơ 'Bok Kei-Dei na ăn kơ lu sư păng khan: “Huch bĕ đĭ-đăng kơ iĕm,

Mathiơ 26:29

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bă Inh pơgơ̆r ning-mônh 'mơ̆i, na Inh gô huch đak hơmu 'nao hơdai iĕm.”

Mathiơ 6:12

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn.

Markôs 1:4

Tơdrong 'noh 'blep tơpă: Yôhan năm pơm 'batem kơ đe tơ char glă chơngue, sư bơtho athei đe tơbral kơdih tơdrong yoch, na iŏk 'batem wă kơ 'Bok Kei-Dei pơklaih yoch sư.

Markôs 14:24

Na Yêsu khan kơ lu sư: “Đak hơmu âu boih pham Inh wă lĕch tang ăn lơ bơngai na 'Bok Kei-Dei pơklaih tơdrong yoch lu sư.

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Luka 22:20

Kư̆m thoi noh mơ̆n, đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn kơ lu iĕm. Thoi noh na 'Bok Kei-Dei gô pơklaih iĕm đơ̆ng tơdrong yoch.

Rom 5:15

Tơdrong yoch hăm tơdrong 'Bok Kei-Dei 'mêm mơnat, sư phara. Tơdrong yoch, yua kơ minh 'nu bơngai pơm yoch na đĭ-đăng bơngai jing lôch. Na tơdrong 'Bok Kei-Dei 'mêm mơnat, yua kơ minh 'nu Yêsu Krist lôch tang đĭ-đăng kon bơngai na kon bơngai gô iung arih.

Rom 5:19

'Bok Kei-Dei jô̆ đĭ-đăng bơngai yoch yua kơ đơ̆ng minh 'nu 'bok Ađam sơ̆, sư ưh kơ chu kơ nơ̆r 'Bok Kei-Dei. Dang ei 'Bok Kei-Dei jô̆ đei lơ bơngai 'lơ̆ng, yua kơ đơ̆ng Yêsu Krist Sư chu kơ nơ̆r 'Bok Kei-Dei.

I Kor 11:25

Kư̆m thoi noh mơ̆n đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn lu iĕm. Thoi noh na 'Bok Kei-Dei pơklaih iĕm đơ̆ng tơdrong yoch. Rim wơ̆t iĕm huch đak âu wă kơ iĕm 'blŏk hơdơ̆r kơ Inh.”

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Kôlôsê 1:14

Kon Sư noh boih huai iŏk bơ̆n, pơklaih bơ̆n đơ̆ng tơdrong yoch.

Kôlôsê 1:20

'Bok Kei-Dei ăn kơ Sư lôch tuh pham tơ 'long pơglang wă kơ tôm tơdrong tơ ala teh, tôm tơdrong tơ kơpal plĕnh hiôk hơiă hăm 'Bok Kei-Dei.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.