Mathiơ 26:25 - Sơ̆p Hlabơar Nơ̆r 'Bok Kei-Dei

²⁵ Na Juđa bơngai wă plơ̆ plĕch Sư ei khan: “Ơ 'Bok Thây, inh hă?” Yêsu khan: “Trŏ boih, ih wă plơ̆ plĕch Inh.”

Mathiơ 26:25 Iomraidhean Croise

II Pot 5:25

Na sư hăt hot năm hloi tơ Êlisê yŏng tơ'ngla sư, Êlisê jet sư khan; “ơ Gêhasi ih brŏk đơ̆ng yơ noh hei?” Sư tơl: “Inh ưh kơ đei năm tơ yơ ôh”

Tơdrông Pơđơk 30:20

'Nâu tơdrong bơngai drŏ-kăn đi pơm: Sư sa bơih na sŭt 'bơ̆r, Păng khan: Inh đei pơm yoch kiơ?

Mathiơ 23:7

Lu sư wă kơ đe kơkuh kơ sư tơ anih đe akŭm tơpôl păng wă kơ đe krao lu sư 'bok thây.

Mathiơ 23:8

“Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Mathiơ 26:14

Đơ̆ng noh đei minh 'nu bơngai anăn sư Juđa Ikariôt, bơngai đơ̆ng mơjĭt-'bar 'nu pơhrăm păng Yêsu, sư năm tơ lu 'bok soi tih.

Mathiơ 26:49

Juđa năm hloi tơ Yêsu păng khan: “Ơ 'Bok Thây, liĕm kâu hiôk-hian kơ bơ̆n.” Na sư chŭm hloi Yêsu kiơ̆ thoi đe Juđê juăt kơ kơkuh băl.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Mathiơ 27:11

Yêsu dơ̆ng 'bơ̆t anăp Pilat, na Pilat jet Sư khan: “Hăm trŏ kơ Ih pơm pơtao đe Juđê?” Yêsu khan: “Trŏ kơ Inh boih.”

Luka 22:70

Na đĭ-đăng lu sư jet Yêsu: “Lei Ih hăm trŏ Kon 'Bok Kei-Dei tơpă dah ưh?” Na Yêsu tơl sư khan: “Trŏ tơpă yơh.”

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Yo 4:31

Kơplah lu sư oei nơnăm rok trong tam mă truh tơ Yêsu, na lu bơngai pơhrăm păng Sư khan kơ Sư thoi âu: “Ơ 'Bok Thây, sŏng sa bĕ.”