Mathiơ 26:21 - Sơ̆p Hlabơar Nơ̆r 'Bok Kei-Dei

²¹ Kơplah lu sư oei sŏng sa Yêsu khan: “Inh khan kơ iĕm tơpă, đei minh 'nu lăm lu iĕm dang ei wă plơ̆ plĕch Inh.”

Mathiơ 26:21 Iomraidhean Croise

Mathiơ 26:2

“Iĕm băt mơ̆n oei pă 'bar năr truh kơ năr đe pơm Giĕng Năm Brih. Na đe wă rôp jao Inh Kon Bơngai ăn kơ đe pơ̆ng pơlôch tơ 'long pơglang.”

Mathiơ 26:22

Yêsu khan kơ lu sư thoi noh, na lu sư ơh sơ'ngon. Na rim 'nu lu sư kơdih kơdih jet Sư khan: “Hăm trŏ kơ inh?” Mơ'nah dơ̆ng khan: “Inh hă?”

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 13:21

Đơ̆ng rŏng kơ Yêsu roi tơdrong 'noh Sư sơ'ngon tơpă na Sư pơma hơdah hloi gah tơdrong 'noh. Sư khan: “Inh khan kơ iĕm tơpăt, đei minh 'nu lăm lu iĕm wă plơ̆ plĕch kơ Inh.”

Yo 13:22

Lu bơngai pơhrăm Sư chă hue lăng dih băl. Lu sư sơleng kơ đon ưh kơ băt bu wă plơ̆ plĕch kơ Sư.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.