Mathiơ 25:34 - Sơ̆p Hlabơar Nơ̆r 'Bok Kei-Dei

³⁴ Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Mathiơ 25:34 Iomraidhean Croise

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Tơdrông Pơđơk 11:17

Bơngai iơ̆m dim thim hiôk kơ bơhngol sư; Mă-lei lu bơngai pơm kơnê̆ gô pơrăm sĕch akar sư.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Mathiơ 13:35

wă kơ trŏ thoi minh 'nu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Inh iŏk tơdrong mă đe ưh tam kơtơ̆ng đơ̆ng 'Bok Kei-Dei pơjing plĕnh teh sơ̆, Wă bơtho pơtih gia kơ lu sư dang ei.”

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Mathiơ 20:23

Yêsu khan dơ̆ng: “Biĕm gô iŏk tơdrong anat thoi Inh, mă-lei tơdrong pơm tih oei gah 'ma gah 'ngiĕo kơ Inh noh, ưh kơ trŏ kơ Inh ăn ôh, tơdrong noh gô mơ̆ng kơ 'Bă Inh đĕch băt.”

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Mathiơ 25:23

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 27:37

Lu sư chih roi tơ gơ'bang iĕ pơ̆ng tơ kơpal kơ Yêsu khan tơdrong kơnê̆ đe jô̆ kơ Sư pơm thoi âu: “'Bok 'nâu, anăn sư Yêsu, 'Bok Pơtao đe Juđê.”

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 5:19

Thoi noh na dah bu tŭk minh apăk dah minh nơ̆r tơdrong juăt iĕ ioch păng sư bơtho đe wă kơ đe tŭk mơ̆n, bơngai 'noh 'Bok Kei-Dei jô̆ sư bơngai iĕ hloh kơ đĭ-đăng lăm lu bơngai lui. Mă-lei dah bu kiơ̆ trŏ kơ tơdrong juăt păng sư bơtho đe wă kơ đe pơm kiơ̆ mă trŏ mơ̆n, bơngai 'noh gơh pơm tih lăm lu bơngai lui.

Markôs 10:17

Lăp Yêsu wă yak đơ̆ng ei Sư tơ'bơ̆p minh 'nu bơngai kơdâu tơkan năm tơ Sư, sơtơ̆p kŭl-tăng 'bơ̆t anăp Sư păng jet Sư thoi âu: “Ơ 'Bok Thây, Ih 'lơ̆ng tơpăt; inh pơm thoi yơ wă kơ oei hơdai hăm 'Bok Kei-Dei na arih ling-lang?”

Markôs 10:40

Mă-lei tơdrong pơm tih oei gah 'ma gah 'ngiĕo kơ Inh noh, ưh kơ trŏ kơ Inh ăn ôh, tơdrong noh gô mơ̆ng kơ 'Bă Inh đĕch băt.

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Luka 11:50

Yua kơ thoi noh na Inh khan kơ iĕm thoi âu: Lu bơngai pơtruh nơ̆r 'Bok Kei-Dei mă lu 'bok iĕm pơlôch sơ̆, đơ̆ng blŭng-a 'Bok Kei-Dei pơjing plĕnh teh truh dang ei,

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Luka 19:38

“Bơnê kơ Pơtao bơ̆n truh tơ âu yua kơ Kră Yang wơh wă ăn kơ bơ̆n hiôk-hian. Bơnê kơ 'Bok Kei-Dei kơpal plĕnh ti.”

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 12:13

Lu sư pĕch iŏk dơng hla gao na năm đih sơng Sư. Lu sư pơma 'bơ̆r re khan: “Hôsana, bơnê kơ 'Bok Kei-Dei. Bơnê kơ Yêsu Pơtao Isơrael truh tơ bơ̆n yua kơ Kră Yang wơh.”

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Jang 15:18

Kră Yang 'Bok Kei-Dei khan thoi noh, Sư pơm 'blep tơdrong noh mơ̆n. Sư tơbăt kơ đe tơdrong noh đơ̆ng blŭng-a sơ̆.’

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

I Kor 15:50

Ơ 'nhŏng oh, inh khan kơ iĕm tơpă, sĕch akar kon bơngai bơ̆n ưh kơ gơh oei tơ dêh char 'Bok Kei-Dei ôh, yua kơ sĕch akar bơ̆n juăt kơ ôm hach. Tơ dêh char Sư ưh kơ đei kiơ jing ôm hach.

I Kor 2:9

Mă sơ̆p hla bơar 'Bok Kei-Dei kư̆m đei chih khan: “Klong măt kon bơngai ưh kơ 'bôh, đon ưh kơ kơtơ̆ng, jơhngơ̆m đon kon bơngai ưh kơ đei tơchĕng iŏk, tơdrong 'noh boih 'Bok Kei-Dei hơmet ăn kơ lu bơngai mă 'mêm kơ Sư.”

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

Galati 5:21

sư 'nhĕng kơ đe, sư suai sik pơm kư̆ kă, sư pơm lơ tơdrong kơnê̆, lơ tơdrong noh nai dơ̆ng. Inh wă pơma dơ̆ng kơ iĕm thoi inh roi boih kơ iĕm sơ̆: Dôm lu bơngai pơm thoi noh ưh kơ gơh oei hơdai tơ dêh char 'Bok Kei-Dei ôh ning-mônh.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.

II Tim 2:12

Dah bơ̆n đei tơdrong gleh pơmat-tat, bơ̆n oei adrin kiơ̆ Sư khŏm khŏm, lei bơ̆n kư̆m pơgơ̆r hơdai hăm Sư ning-mônh mơ̆n. Dah bơ̆n achăng Sư dang ei, lei pă jor Sư kư̆m achăng bơ̆n ning-mônh.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Hêbrơ 4:3

Pôm bơ̆n bơngai lui gô mơ̆t pơdơh hăm Sư tơpă, yua kơ bơ̆n băt kơ Sư khan kơ lu bơngai noh sơ̆ khan: “Inh hil kơ lu sư thoi âu: ‘Iĕm pơm thoi noh, iĕm ưh kơ gơh layơ wă mơ̆t pơdơh tơ dêh char Inh.’ ” Lu bơngai noh ưh kơ gơh mơ̆t pơdơh hăm Sư, ưh kơ sĭ yua kơ anih hnam ưh kơ mah dah ưh kơ đei. Ưh ôh. Anih hnam hăm tôm tơdrong nai Sư hơmet lê̆ đơ̆ng blŭng-a Sư pơjing plĕnh păng teh sơ̆ boih.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Pet 1:9

Iĕm hiôk dang noh yua kơ iĕm băt kơ 'Bok Kei-Dei pơklaih tơdrong yoch iĕm, wă ăn kơ iĕm tơdrong hiôk 'lơ̆ng yua kơ iĕm lui kơ Sư.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.

Tơdrông Tơ'bôh 5:10

Păng Ih ăn kơ kon bơngai jing pơlei pơla 'Bok Kei-Dei wei-lăng păng pơgơ̆r. Ih ăn kon bơngai pơm thoi 'bok soi wă kơ chă pơjing tơdrong jang 'Bok Kei-Dei, păng Ih ăn kơ kon bơngai gơh chă pơgơ̆r tơduă lu sư tơ ala teh.”