Mathiơ 25:30 - Sơ̆p Hlabơar Nơ̆r 'Bok Kei-Dei

³⁰ Na dang ei iĕm hiŏng hơtat bơngai mă ưh kơ yua âu tơ anih 'ngoaih măng mu, lê̆ sư nhơ̆m hmoi tơkăp sơnĕnh tơ noh.’

Mathiơ 25:30 Iomraidhean Croise

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

Mathiơ 13:42

na klơ̆m tŭk lu sư tơ dơnâu ŭnh, lê̆ lu sư nhơ̆m hmoi tơkăp sơnĕnh tơ noh.

Mathiơ 13:50

tơlơ̆ tŭk lu sư tơ dơnâu ŭnh, lê̆ lu sư nhơ̆m hmoi kăp sơnĕnh tơ noh.”

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 24:51

Yŏng sư gô phak pơlôch sư, ăn kơ sư oei hơdai hăm dôm lu bơngai pơm ưh kơ tơpăt, lê̆ sư nhơ̆m hmoi tơkăp sơnĕnh tơ noh.

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Mathiơ 5:13

“Iĕm thoi lĕ kơ 'boh bơ̆n tah kơ tơmam sa 'băt 'lơ̆ng, wă kơ lu bơngai ala teh âu 'lơ̆ng 'biơ̆. Mă-lei dah 'boh jing sap, bơ̆n ưh kơ đei kiơ wă pơm kơ 'boh 'băt dơ̆ng. Thoi noh 'boh jing ưh pă yua boih, bơ̆n tuh hŭt lê̆ tơ teh, đe gô juă bơhlơ̆r đĕch.

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Luka 13:28

Na lu iĕm gô hmoi tơkăp hơnĕnh pơmat-tat, yua kơ iĕm gô 'bôh Abraham, Isăk, Jakôp păng đĭ-đăng lu bơngai pơtruh nơ̆r 'Bok Kei-Dei sơ̆ tơ dêh char 'Bok Kei-Dei ning-mônh, mă-lei iĕm ưh kơ gơh năm tơ ei ôh.

Yo 15:6

Bơngai bu ưh kơ oei lăm Inh, 'Bă Inh gô tŭk lê̆ sư, kư̆m thoi đe tŭk dơng 'long, na dơng 'noh jing kro. Klaih kơ noh đe dônh lu dơng kro noh klơ̆m tŭk lăm ŭnh, na ŭnh gô sa sư.

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”