Mathiơ 25:10 - Sơ̆p Hlabơar Nơ̆r 'Bok Kei-Dei

¹⁰ Na lu sư năm răt. Kơplah lu sư năm răt na bơngai mă 'nao iŏk akăn truh boih, lu pơđăm 'nu adruh mă kơchăng noh mơ̆t kiơ̆ hloi sư tơ hnam đe pơkong sŏng sa, na đe tang chơkăl hloi 'măng.

Mathiơ 25:10 Iomraidhean Croise

Bl 7:16

Tơno minh akăn minh, đei tơmông đei yŏng, đĭ-đăng kư̆m mơ̆t lăm duk, kiơ̆ thoi nơ̆r Kră Yang 'Bok Kei-Dei khan pơkă, na Kră Yang tang lê̆ 'măng duk.

Horiso 95:11

Yua kơ noh na Inh hil păng pơkă khan: “Lu sư ưh kơ đei layơ mơ̆t pơdơh lăm tơdrong hiôk Inh.”

Mathiơ 24:42

Thoi noh na iĕm athei kơchăng bĕ, yua kơ iĕm ưh kơ băt layơ Inh mă Kră Yang iĕm wă jur dơ̆ng.

Mathiơ 24:43

“Iĕm athei kơchăng hli kơ thoi bơngai âu: Bơngai âu sư ưh kơ kơchăng kơ đe wă tơtông tơmam sư. Lăp đe tơtông tơmam sư boih na sư khan: ‘Ô, ăn dah băt kơ đe wă tơtông tơmam inh măng hei, lei inh kral kơchăng kuă ăn lu sư bŏk tơnăr hnam inh ôh.’

Mathiơ 24:44

Na iĕm athei kơchăng 'nĕ kơ thoi bơngai noh, hli kơ Inh Kon Bơngai wă jur tơ iĕm dơ̆ng kơplah iĕm ưh kơ lêng ê.

Mathiơ 25:6

“Truh tŏk-bŏk măng na đei nơ̆r krao 'bơ̆r re khan: ‘Bơngai mă 'nao iŏk akăn truh boih, năm jah kiơ̆ sư bĕ.’

Mathiơ 7:21

“Ưh kơ sĭ dôm lu bơngai mă krao Inh Kră Yang gơh mơ̆t tơ dêh char 'Bok Kei-Dei pơđĭ ôh. Pôm lu bơngai mă lui kiơ̆ kơ 'Bă Inh đĕch gơh mơ̆t tơ dêh char Sư noh.

Luka 12:35

“Iĕm athei kơchăng ling-lang thoi lĕ bơngai oei chang gô đe truh kơmăng. Sư đĭ hrŭk hơmet hơbĕn ao boih. Ŭnh kơđeng sư oei khơ̆ng.

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Tơdrông Tơ'bôh 19:7

Bĕ bơ̆n hiôk chơt, bĕ bơ̆n 'nă hal, ư-ang anăn 'Bok Kei-Dei yua kơ trŏ năr Kon Sư Kon Triu wă iŏk akăn. Akăn Sư kư̆m hơmet tôm tơdrong đang boih.

Tơdrông Tơ'bôh 22:20

'Bok mă pơm kơdranh kơ dôm tơdrong âu Sư khan: “Inh wă jê̆ jur tơpă.” Tơpă, ơ Kră Yang Yêsu, dah jur bĕ.