Mathiơ 24:43 - Sơ̆p Hlabơar Nơ̆r 'Bok Kei-Dei

⁴³ “Iĕm athei kơchăng hli kơ thoi bơngai âu: Bơngai âu sư ưh kơ kơchăng kơ đe wă tơtông tơmam sư. Lăp đe tơtông tơmam sư boih na sư khan: ‘Ô, ăn dah băt kơ đe wă tơtông tơmam inh măng hei, lei inh kral kơchăng kuă ăn lu sư bŏk tơnăr hnam inh ôh.’

Mathiơ 24:43 Iomraidhean Croise

Jop 24:16

Lu bơngai tơtông bŏk tơnăr hnam kơmăng, na kơ'năr lu sư chă ôn; Ưh kơ băt kơ hơdah.

Tơdrông Pơđơk 7:19

Klo inh, ưh kơ đei oei hnam ôh, sư năm tơ ataih boih.

Mathiơ 14:25

Lăp tŏk-bŏk leng gong Yêsu jur đơ̆ng kông yak kơpal đak dơsĭ năm tơ lu bơngai pơhrăm păng Sư.

Mathiơ 20:11

Mă-lei lu sư iŏk iăi mơ̆n. Na lu sư pơma kơ 'bok tơ'ngla mir khan:

Mathiơ 24:42

Thoi noh na iĕm athei kơchăng bĕ, yua kơ iĕm ưh kơ băt layơ Inh mă Kră Yang iĕm wă jur dơ̆ng.

Mathiơ 24:44

Na iĕm athei kơchăng 'nĕ kơ thoi bơngai noh, hli kơ Inh Kon Bơngai wă jur tơ iĕm dơ̆ng kơplah iĕm ưh kơ lêng ê.

Mathiơ 25:10

Na lu sư năm răt. Kơplah lu sư năm răt na bơngai mă 'nao iŏk akăn truh boih, lu pơđăm 'nu adruh mă kơchăng noh mơ̆t kiơ̆ hloi sư tơ hnam đe pơkong sŏng sa, na đe tang chơkăl hloi 'măng.

Mathiơ 25:13

Yêsu pơtih gia tơdrong noh đang boih na Sư khan: “Iĕm athei kơchăng mă tơpă, yua kơ iĕm ưh kơ băt năr ayơ, jơ ayơ Inh wă jur tơ iĕm.”

Markôs 13:35

Na iĕm athei kơchăng, kơlih kơ iĕm ưh kơ băt tơ'ngla hnam noh wă truh layơ: Til kơsơ̆, dah tŏk-bŏk măng, dah leng gong, dah 'năr lĕch.

Markôs 6:48

Sư 'bôh lu bơngai pơhrăm păng Sư wơ̆r thŏng-nan anat anot dêh yua kơ kial tơhlu sơdrơ̆k. Na lăp tŏk-bŏk leng gong Yêsu jur đơ̆ng kông yak kơpal đak dơsĭ năm tơ lu sư. Sư wă năm brih ploi kơ lu sư.

Luka 12:38

Dah yŏng sư wih kơplah tŏk-bŏk măng dah kơplah leng gong, mă-lei lu sư oei kral gô, na yŏng sư bơnê kơ lu sư tơpă.

Luka 12:39

Iĕm athei kơchăng hli kơ thoi bơngai âu: Bơngai âu sư ưh kơ kơchăng kơ đe wă tơtông tơmam sư. Lăp đe tơtông tơmam sư boih na sư khan: ‘Ô, ăn dah băt kơ đe wă tơtông tơmam inh măng hei, lei inh kral kơchăng kuă ăn lu sư bŏk tơnăr hnam inh ôh.’

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Tơdrông Tơ'bôh 16:15

Inh 'bôh thoi noh boih na inh kơtơ̆ng Kră Yang Yêsu Krist khan: “Inh wă jur kơplah kon bơngai ưh kơ lêng ê thoi bơngai wă năm tơtông. Hiôk dêh bu mă oei kral kơchăng păng đei hơbĕn ao hrŭk wă kơ đe huay kơ 'bôh sư hang-hông.”

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.