Mathiơ 24:37 - Sơ̆p Hlabơar Nơ̆r 'Bok Kei-Dei

³⁷ Na Inh Kon Bơngai gô jur ning-mônh thoi đak lip kơplah jơhnơr Nôê sơ̆.

Mathiơ 24:37 Iomraidhean Croise

Bl 6:8

Mă-lei Nôê đei pŭn 'bơ̆t anăp Kră Yang.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 24:27

Năr ei kơnh đĭ-đăng kon bơngai gô 'bôh Inh Kon Bơngai jur thoi kơmlat, chêr 'blêt 'bôh jơ̆p-jang kơ teh đak mă đơ̆ng hơlĕch truh tơ bơmơ̆t.

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 24:30

Kơplah noh đĭ-đăng kon bơngai ala teh âu nhơ̆m hmoi yua kơ lu sư 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Mathiơ 24:39

Lu sư ưh kơ kơchăng tơdrong kiơ wă truh kơ lu sư, dĭng đak lơ̆p pơlôch đĭ-đăng lu sư hloi. Na Inh Kon Bơngai gô jur ning-mônh thoi noh mơ̆n.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

II Pet 2:5

Chăl Nôê sơ̆, 'Bok Kei-Dei kư̆m phak đĭ-đăng kon bơngai ala teh ưh kơ lui kơ Sư, Sư phak hăm đak lơ̆p jơ̆p-jang kơ teh. Sư pơklaih pôm Nôê, yua kơ Nôê sư bơtho khan gah tơdrong tơpăt păng tơpơh 'nu hnam dơnŏ sư.

II Pet 3:6

Sơ̆ Sư wă pơrăm teh, ăn đak lơ̆p jơ̆p-jang, teh jing răm hloi tơpă.