Mathiơ 24:36 - Sơ̆p Hlabơar Nơ̆r 'Bok Kei-Dei

³⁶ “Năr păng jơ ei ưh kơ đei bu băt. Lu linh jang 'lơ̆ng kơpal plĕnh ti ưh kơ băt. Inh Kon 'Bok Kei-Dei ră, kư̆m hơdai ưh kơ băt mơ̆n. Pôm 'Bă Inh đĕch băt kơ năr ei kơnh.

Mathiơ 24:36 Iomraidhean Croise

Sa 14:7

Noh jing minh năr Kră Yang đĕch băt; ưh kơ sĭ kơ'năr dah kơmăng, mă-lei dah kơsơ̆ truh boih gô đei hơdah.

Mathiơ 24:42

Thoi noh na iĕm athei kơchăng bĕ, yua kơ iĕm ưh kơ băt layơ Inh mă Kră Yang iĕm wă jur dơ̆ng.

Mathiơ 24:44

Na iĕm athei kơchăng 'nĕ kơ thoi bơngai noh, hli kơ Inh Kon Bơngai wă jur tơ iĕm dơ̆ng kơplah iĕm ưh kơ lêng ê.

Mathiơ 25:13

Yêsu pơtih gia tơdrong noh đang boih na Sư khan: “Iĕm athei kơchăng mă tơpă, yua kơ iĕm ưh kơ băt năr ayơ, jơ ayơ Inh wă jur tơ iĕm.”

Markôs 13:32

“Năr păng jơ ei ưh kơ đei bu băt. Lu linh jang 'lơ̆ng kơpal plĕnh ti ưh kơ băt. Inh Kon 'Bok Kei-Dei ră, kư̆m hơdai ưh kơ băt mơ̆n. Pôm 'Bă Inh đĕch băt kơ năr ei kơnh.

Jang 1:7

Yêsu khan: “Năr 'noh 'Bă Inh pơkă kơdih, Sư ưh kơ ăn iĕm băt ôh.

I Tes 5:2

Mă iĕm kư̆m băt nhên mơ̆n tơdrong ưh kơ đei bu băt Kră Yang Yêsu wă jur layơ, kư̆m thoi bơ̆n ưh kơ băt kơ bơngai wă tơtông klĕ sư wă truh măng ayơ.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

Tơdrông Tơ'bôh 16:15

Inh 'bôh thoi noh boih na inh kơtơ̆ng Kră Yang Yêsu Krist khan: “Inh wă jur kơplah kon bơngai ưh kơ lêng ê thoi bơngai wă năm tơtông. Hiôk dêh bu mă oei kral kơchăng păng đei hơbĕn ao hrŭk wă kơ đe huay kơ 'bôh sư hang-hông.”

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.