Mathiơ 24:3 - Sơ̆p Hlabơar Nơ̆r 'Bok Kei-Dei

³ Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 24:3 Iomraidhean Croise

Mathiơ 13:36

Yêsu bơtho kơ lu bơngai tơpôl đang boih, na Sư mơ̆t tơ hnam. Lu bơngai pơhrăm năm jet Sư thoi âu: “Apinh Ih tơblang kơ nhôn tơdrong pơtih gia 'ba păng 'nhĕt chăt hơdai noh hei wă khan kiơ.”

Mathiơ 13:49

Na mưh truh năr tôch ning-mônh kư̆m thoi noh mơ̆n. Lu linh jang kơ Inh năm rơih iŏk dôm lu bơngai kơnê̆ đơ̆ng lu bơngai 'lơ̆ng,

Mathiơ 15:12

Đang Yêsu pơma thoi noh boih na lu bơngai pơhrăm păng Sư năm khan kơ Sư: “Ih hăm băt lu bơngai Pharisi ơh kơ Ih pơma thoi noh hei?”

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 17:19

Na lu bơngai pơhrăm păng Yêsu jet Yêsu kơdrô̆ khan: “Yua kơ kiơ nhôn ưh kơ gơh pơpuh yang kơnê̆?”

Mathiơ 21:1

Lu đe Yêsu wă jê̆ truh tơ Pơlei Jêrusalem boih, truh tơ Pơlei Betphagê 'bơ̆t kông Ôliwơ. 'Bơ̆t ei Yêsu wơh 'bar 'nu bơngai pơhrăm păng Sư khan:

Mathiơ 24:27

Năr ei kơnh đĭ-đăng kon bơngai gô 'bôh Inh Kon Bơngai jur thoi kơmlat, chêr 'blêt 'bôh jơ̆p-jang kơ teh đak mă đơ̆ng hơlĕch truh tơ bơmơ̆t.

Mathiơ 24:30

Kơplah noh đĭ-đăng kon bơngai ala teh âu nhơ̆m hmoi yua kơ lu sư 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Mathiơ 24:37

Na Inh Kon Bơngai gô jur ning-mônh thoi đak lip kơplah jơhnơr Nôê sơ̆.

Mathiơ 24:39

Lu sư ưh kơ kơchăng tơdrong kiơ wă truh kơ lu sư, dĭng đak lơ̆p pơlôch đĭ-đăng lu sư hloi. Na Inh Kon Bơngai gô jur ning-mônh thoi noh mơ̆n.

Mathiơ 24:43

“Iĕm athei kơchăng hli kơ thoi bơngai âu: Bơngai âu sư ưh kơ kơchăng kơ đe wă tơtông tơmam sư. Lăp đe tơtông tơmam sư boih na sư khan: ‘Ô, ăn dah băt kơ đe wă tơtông tơmam inh măng hei, lei inh kral kơchăng kuă ăn lu sư bŏk tơnăr hnam inh ôh.’

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Luka 21:7

Lu sư jet Yêsu: “Ơ 'Bok Thây, apinh Ih roi kơ nhôn layơ đe wă pơrăm hnam akŭm 'Bok Kei-Dei tơm păng wă kơ nhôn băt tơdra thoi yơ tơdrong noh gô truh.”

Jang 1:7

Yêsu khan: “Năr 'noh 'Bă Inh pơkă kơdih, Sư ưh kơ ăn iĕm băt ôh.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.