Mathiơ 24:27 - Sơ̆p Hlabơar Nơ̆r 'Bok Kei-Dei

²⁷ Năr ei kơnh đĭ-đăng kon bơngai gô 'bôh Inh Kon Bơngai jur thoi kơmlat, chêr 'blêt 'bôh jơ̆p-jang kơ teh đak mă đơ̆ng hơlĕch truh tơ bơmơ̆t.

Mathiơ 24:27 Iomraidhean Croise

Jop 37:3

Kră Yang ăn kơmlat chêr 'blêt hơdah ala kơ plĕnh. Păng kơmlat Kră Yang pơchrang truh tơ jơ̆p tôch kơ teh.

Jop 38:35

Ih hăm gơh wơh kơmlat athei sư nơnăm. Na lu sư hăm tơl ih khan: “Lu nhôn tơ âu?”

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsêkiên 1:14

Lu kon sem arih noh năm wơ̆t wih rŏng anăp thoi kơmlat.

Sa 9:14

Dang ei Kră Yang gô tơ'bôh kơ lu sư, 'brơ̆m sư prah thoi kơmlat; Kră Yang gô hlôm keng păng năm hơdai hăm kial hơbŭt gah gơal,

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

Malachi 4:5

'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 24:26

Dah đe khan kơ iĕm 'Bok Krist jur boih sư oei tơ bri, iĕm 'nĕ kơ năm chă hŏ; păng dah đe khan 'Bok Krist jur boih sư oei ôn akâu sư tơ hnam đe iĕm 'nĕ kơ lui.

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 24:37

Na Inh Kon Bơngai gô jur ning-mônh thoi đak lip kơplah jơhnơr Nôê sơ̆.

Mathiơ 24:39

Lu sư ưh kơ kơchăng tơdrong kiơ wă truh kơ lu sư, dĭng đak lơ̆p pơlôch đĭ-đăng lu sư hloi. Na Inh Kon Bơngai gô jur ning-mônh thoi noh mơ̆n.

Mathiơ 24:44

Na iĕm athei kơchăng 'nĕ kơ thoi bơngai noh, hli kơ Inh Kon Bơngai wă jur tơ iĕm dơ̆ng kơplah iĕm ưh kơ lêng ê.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Ya 5:8

Na lu bơ̆n kư̆m lei-lăi athei lui mă kơjăp chang gô Kră Yang Yêsu wă jur, yua kơ Sư wă jê̆ jur tơpă boih.

II Pet 3:4

“Lu sư kơtơ̆ng Yêsu khan wă jur dơ̆ng mă-lei tơ yơ 'bôh? Lu yă 'bok bơ̆n lôch đĭ-đăng boih, mă-lei tôm tơdrong oei hơnơ̆ng lei-lăi thoi plĕnh teh 'nao pơjing sơ̆ đĕch.”