Mathiơ 24:19 - Sơ̆p Hlabơar Nơ̆r 'Bok Kei-Dei

¹⁹ Kơplah ei kơnh lu bơngai drŏ-kăn akâu kơhioh păng lu bơngai drŏ-kăn tơmŏm kon lu sư pơmat-tat dêh.

Mathiơ 24:19 Iomraidhean Croise

II Sam 4:4

Jônathan, kon tơdăm Sôl đei minh 'nu kon drŏ-nglo hơwen 'bar pah jơ̆ng. Lăp gơ̆p roi tơbăt Jônathan hăm Sôl lôch tơ Jêsreel, kơplah noh sư đĭ pơđăm sơnăm boih, bơngai rong tơmŏm sư pôk anhăk sư kơdâu ôn; kơplah sư kơdâu hăt hot sư huŏng đơ̆ng ti na jing jo. Anăn sư Mêphibôset.

II Pot 15:16

Kơplah noh Mênahem lĕch đơ̆ng Pơlei Tirsa blah Pơlei Tipsa, păng đĭ-đăng kon pơlei oei tơ lăm pơlei păng oei jơ̆p-jang kơ tơring jum dăr, yua kơ pơlei noh kuă kơ pơih 'măng dur; thoi noh na pơtao pơrăm lu sư păng roch klak đĭ-đăng lu drŏ-kăn mă oei anăp, lăm pơlei ei.

Nhom 4:10

Lu drŏ-kăn oei đei jơhngơ̆m mơnat, kư̆m hơtŭk sa lu kon sư kơdih. Pơm tơmam sa 'bơ̆t năr kon adruh pơlei sư đe pơrăm.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Mathiơ 21:16

Na lu sư năm khan kơ Yêsu: “Ih hăm kơtơ̆ng lu đe hơ'lơ̆p pơma ei?” Yêsu khan: “Kơtơ̆ng. Bĭ iĕm tam mă đŏk lăng ôh hă đe chih roi tơdrong 'Bok Kei-Dei thoi âu: Ơ Kră Yang, Ih ăn kơ lu hơ'lơ̆p păng lu bơngai nge băt pơma bơnê ư-ang kơ Ih?”

Mathiơ 24:18

Bơngai bu oei jang tơ mir, 'nĕ pă brŏk iŏk ao tơnŏ sư tơ hnam.

Mathiơ 24:20

Mă-lei iĕm athei krao khan apinh 'Bok Kei-Dei 'nĕ ăn tơdrong noh truh kơplah bơyan 'mi hngach păng kơplah năr pơdơh Sa'bat,

Luka 21:23

Kơplah ei kơnh, lu bơngai drŏ-kăn akâu kơhioh păng lu bơngai drŏ-kăn tơmŏm kon, lu sư pơmat-tat dêh. Gô đei tơdrong anat anot gleh tơpă yua kơ 'Bok Kei-Dei wă phak lu bơngai Juđê âu.