Mathiơ 23:8 - Sơ̆p Hlabơar Nơ̆r 'Bok Kei-Dei

⁸ “Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Mathiơ 23:8 Iomraidhean Croise

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 23:10

Iĕm 'nĕ chă athei đe krao kơ iĕm yŏng, yua kơ iĕm đei minh 'nu Krist boih Yŏng iĕm.

Mathiơ 23:7

Lu sư wă kơ đe kơkuh kơ sư tơ anih đe akŭm tơpôl păng wă kơ đe krao lu sư 'bok thây.

Mathiơ 26:25

Na Juđa bơngai wă plơ̆ plĕch Sư ei khan: “Ơ 'Bok Thây, inh hă?” Yêsu khan: “Trŏ boih, ih wă plơ̆ plĕch Inh.”

Mathiơ 26:49

Juđa năm hloi tơ Yêsu păng khan: “Ơ 'Bok Thây, liĕm kâu hiôk-hian kơ bơ̆n.” Na sư chŭm hloi Yêsu kiơ̆ thoi đe Juđê juăt kơ kơkuh băl.

Markôs 10:51

Yêsu khan kơ sư: “Ih wă kơ Inh pơm kiơ?” Bơngai măt tol ei khan: “Ơ 'Bok Thây, inh wă kơ Ih pơklaih măt inh gơh 'bôh hơdah.”

Markôs 11:21

Na Pêtrôs 'blŏk kơ tơdrong 'noh na sư khan kơ Yêsu: “Ơ 'Bok Thây, Ih lăng tơm 'long hơra đêl Ih sơkat brei kro lôch boih.”

Markôs 14:45

Na Juđa năm hloi tơ Yêsu păng khan: “Ơ 'Bok Thây.” Na chŭm hloi Yêsu kiơ̆ thoi đe Juđê juăt kơ kơkuh băl.

Markôs 9:5

Na Pêtrôs khan kơ Yêsu: “Ơ 'Bok Thây, bơ̆n oei tơ âu hiôk dêh. Lê̆ kơ nhôn pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.”

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Yo 1:38

Yêsu hue tơ rŏng 'bôh bre ei kiơ̆ Sư, na Sư jet: “Biĕm chă kiơ?” Bre sư khan: “Ơ 'Bok Thây, Ih oei tơ yơ?”

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 11:8

Lu bơngai pơhrăm păng Sư khan: “Lơliơ, lu bơngai Juđê 'nao chă wă klơ̆m Ih păng tơmo, mă dang ei Ih khan wă wih dơ̆ng tơ ei?”

Yo 20:16

Klaih kơ noh Yêsu khan kơ sư dơ̆ng: “Ơ Mari.” Mari hue 'bôh hloi păng khan hăm nơ̆r Juđê: “Rabôni.” Rabôni wă khan 'bok thây.

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Yo 3:26

Lu bơngai pơhrăm păng Yôhan năm tơ Yôhan păng khan: “Ơ 'bok thây, 'Bok mă oei hơdai hăm ih pah to krong Jôrđăn, bơngai mă ih khan Sư Kon 'Bok Kei-Dei, dang ei Sư kư̆m pơm kơ đe 'batem. Đĭ-đăng bơngai năm kơdih kơdih tơ Sư.”

Yo 4:31

Kơplah lu sư oei nơnăm rok trong tam mă truh tơ Yêsu, na lu bơngai pơhrăm păng Sư khan kơ Sư thoi âu: “Ơ 'Bok Thây, sŏng sa bĕ.”

Yo 6:25

Lu sư tŏk hloh pah âu dơsĭ boih, na lu sư 'bôh hloi Yêsu na jet hloi: “Ơ 'Bok Thây, Ih năm tơ âu layơ?”

Yo 9:2

Na lu bơngai pơhrăm păng Sư khan kơ Sư thoi âu: “Ơ 'Bok Thây, bơngai âu măt tol đơ̆ng mĕ sư tơpŭ sơ̆, na yua kơ kiơ? Yua kơ sư kơdih pơm yoch dah yua kơ mĕ 'bă sư pơm yoch?”

II Kor 1:24

Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

Êphêsô 3:15

yua kơ Sư 'Bă kơ đĭ-đăng plĕnh teh.

Phil 1:16

Thoi noh dang ei ih lăng sư 'nĕ mah dang sư đĭch ih mă adrol sơ̆ hŏ. Dang ei sư đĭch ih mơ̆n, mă-lei inh wă kơ ih lăng sư thoi lĕ kơ oh ih tơnơm. Sư jing oh ih boih, sư oh inh mơ̆n mă inh 'mêm kơdih tơpă. Mă-lei ih 'mêm mơnat kơ sư hloh kơ inh mơ̆n kơlih sư bơngai jang kơ ih păng sư kư̆m oh ih mơ̆n, yua kơ sư kư̆m lui kơ Kră Yang Yêsu Krist.

Ya 3:1

Ơ lu 'nhŏng oh, iĕm 'nĕ ăn lu buăl bơ̆n pơm 'bok bơtho tơdrong 'Bok Kei-Dei lơ dêh hŏ. Iĕm băt boih lu nhôn 'bok bơtho iĕm, dah lu nhôn ưh kơ bơtho khan kơ iĕm pơm mă 'blep trŏ, ning-mônh 'Bok Kei-Dei sek tơlang lu nhôn hloh loi kơ lu bơngai nai.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”

Tơdrông Tơ'bôh 22:9

Mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih mă pơtruh nơ̆r Sư păng thoi lu bơngai mă lui kiơ̆ kơ tơdrong chih lăm sơ̆p hla bơar âu. Ih athei kơkuh kơ 'Bok Kei-Dei đĕch trŏ.”