Mathiơ 23:5 - Sơ̆p Hlabơar Nơ̆r 'Bok Kei-Dei

⁵ “Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Mathiơ 23:5 Iomraidhean Croise

II Pot 10:16

Păng sư khan: “Năm hơdai ĭnh bĕ, lăng jơhngơ̆m ĭnh tơnăp kơjăp hăm Kră Yang.” Thoi noh, Jônadap hao gre hơdai sư.

Le 13:9

Tơdrong noh iĕm athei pơm tơ'bôh minh tơdra tơ ti iĕm, pơm minh tơdrong 'blŏk hơdơ̆r chih tơ klĕng, wă kơ tơ'blŏk tơdrong juăt Kră Yang oei tơ lăm 'bơ̆r iĕm, yua kơ hăm ti mơsêh mơyang Kră Yang pơklaih iĕm lĕch đơ̆ng dêh Êyiptơ.

Tơdrông Pơđơk 3:3

'Nĕ kơ lê̆ ôh tơdrong 'mêm mơnat păng tơnăp, 'Băk sư tơ hơko ih, chih răk sư tơ lăm jơhngơ̆m ih.

Lêwi 13:32

'Bơ̆t năr mă tơpơh 'bok soi gô lăng lăng rơka Jĭ sư; tơdah đơđik sư ưh kơ lanh, ưh kơ đei sŏk sop kơmưt păng ưh kơ jrŭ hloh kơ akar so,

Mathiơ 9:20

Đei minh 'nu bơngai drŏ-kăn tuh pham mơjĭt-'bar sơnăm boih, sư kiơ̆ đơ̆ng rŏng wă pel tơdrơi ao Yêsu.

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Luka 20:47

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

Yo 12:43

Lu kră ei wă kơ lu bôl buăl sư lăp đon kơ lu sư hloh kơ lu sư wă kơ 'Bok Kei-Dei lăp đon kơ lu sư.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Yo 7:18

Bơngai bu bơtho kiơ̆ kơ đon sư tơchĕng kơdih, bơngai 'noh sư wă pơang akâu sư kơdih đĕch. Mă-lei dah bơngai bu bơtho wă pơư pơang nơ̆r 'Bok mă wơh sư, bơngai 'noh bơtho tơpăt, ưh kơ đei layơ hơlĕnh.

Both 11:18

Lu iĕm, athei chih răk lăm jơhngơ̆m păng lăm kơ̆l 'ngok, dôm nơ̆r inh bơtho iĕm, 'bot sư tơ ti wă kơ iĕm 'blŏk păng pơ̆n sư tơ klĕng iĕm.

Both 22:12

Ih athei sĭt reng lem 'bơ̆t puăn pah mum ao tai iĕm hrŭk.

Both 6:8

Ih athei chô̆ nơ̆r âu tơ kơkŏng ih, pơ̆n pơm tơdra 'bơ̆t klĕng ih wă kơ 'blŏk.

Philip 1:15

Đei lu mơ'nah bơtho tơdrong Yêsu Krist kư̆m nuih mơ̆n, mă lu sư bơtho tơgar yua kơ lu sư 'nhĕng inh đei bơngai lui lơ. Đei lu mơ'nah bơtho kiơ̆ kơ jơhngơ̆m sư hiôk,

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”