Mathiơ 23:28 - Sơ̆p Hlabơar Nơ̆r 'Bok Kei-Dei

²⁸ Đe lăng akâu akar iĕm gah 'ngoaih kư̆m thoi noh mơ̆n, rŏ kơ bơngai pơm 'lơ̆ng kơ đe, mă-lei lăm to iĕm ling-lang kơ hơlĕnh păng pơm kơnê̆ kơ đe.

Mathiơ 23:28 Iomraidhean Croise

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

Tơdrông Pơđơk 26:26

Mă sư ôn hlơp tơdrong hil chă pơm pơrŏ, Tơdrong trŏ khĕnh hơwĕng sư gô lĕch tơ tơpôl 'bôh.

Mathiơ 23:27

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Lăng akâu iĕm rŏ thoi bơsat đe 'nao pơm, mă-lei lăm to đei atâu ôm.

Mathiơ 23:29

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơm chă pơrŏ hơmet ming lu bơsat bơngai pơtruh nơ̆r 'Bok Kei-Dei păng bơsat lu bơngai 'lơ̆ng tơpăt, wă kơ 'lơ̆ng rŏ.

Mathiơ 23:5

“Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Galati 2:13

Na lu bơngai Juđê mă oei tơ Pơlei Antiôs ei mơ'nah kư̆m lui kơ Yêsu mơ̆n, lu sư kư̆m kiơ̆ Pêtrôs hơdai ưh kơ pơ̆n, kuă kơ sŏng sa thoi Pêtrôs mơ̆n truh tơ 'Barna'ba kư̆m lei-lăi thoi lu sư.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.