Mathiơ 23:27 - Sơ̆p Hlabơar Nơ̆r 'Bok Kei-Dei

²⁷ “Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Lăng akâu iĕm rŏ thoi bơsat đe 'nao pơm, mă-lei lăm to đei atâu ôm.

Mathiơ 23:27 Iomraidhean Croise

Tơdrông Pơđơk 26:23

'Bơ̆r pơma 'lơ̆ng, mă-lei đơ̆ng lăm jơhngơ̆m kơnê̆, Thoi ge gŏ teh đe pik hu gah 'nguaih.

Jo 19:16

Tơ bri brah, bơngai bu hơtŭt 'bơm kơ bơngai lôch kơ đao gưm đe 'bet, dah akâu bơngai lôch, kơting bơngai lôch dah bơsat, gô jing 'mê̆-'mach lăm tơpơh năr,

Mathiơ 23:28

Đe lăng akâu akar iĕm gah 'ngoaih kư̆m thoi noh mơ̆n, rŏ kơ bơngai pơm 'lơ̆ng kơ đe, mă-lei lăm to iĕm ling-lang kơ hơlĕnh păng pơm kơnê̆ kơ đe.

Luka 11:44

Ning-mônh iĕm pơmat-tat dêh. Iĕm dang lĕ bơsat juơ, đe ưh kơ băt na đe juă 'bơm kơpal noh. Đe lăng iĕm tơ 'ngoaih thoi lĕ kơ 'lơ̆ng ră, mă-lei lăm to iĕm kơnê̆.”

Jang 23:3

Pôl pơma kơ 'bok soi tơm ei khan: “Ih athei đe tap inh, na 'Bok Kei-Dei gô tap ih mơ̆n, ih bơngai 'bơ̆r đak klak ŭnh. Ih sek tơlang tơdrong inh kiơ̆ kơ tơdrong juăt bơ̆n ră, mă-lei ih athei đe tap inh; ih pơm thoi noh ưh kơ trŏ kơ tơdrong juăt bơ̆n ôh. 'Noh ih dơ̆ng pơm yoch kơ tơdrong juăt bơ̆n.”

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.