Mathiơ 23:19 - Sơ̆p Hlabơar Nơ̆r 'Bok Kei-Dei

¹⁹ Ơ bơngai dang kơ măt tol, iĕm hăm băt chơnang 'măn tơmam soi kăl hloh kơ tơmam soi? Tơmam soi yua kơ 'măn kơpal chơnang soi noh đĕch na lăng thoi lĕ kăl.

Mathiơ 23:19 Iomraidhean Croise

Le 29:37

Lăm tơpơh năr ih athei soi sơmah huai đơ̆ng yoch păng pơm kơ chơnang soi rơgoh wă kơ chơnang soi jing rơgoh 'lơ̆ng hloh, tơdah tơmam kiơ hơtŭt 'bơm kơ chơnang soi kư̆m jing rơgoh 'lơ̆ng.

Le 30:29

Ih athei 'măn dôm tơmam 'nâu pha pơm tơdrong rơgoh, wă kơ pơm rơgoh hloh, wă kơ tơmam kiơ hơtŭt 'bơm tă kơ gơh rơgoh.

Hagai 2:12

Tơdah đe 'nŭng 'nhĕm rơgoh lăm mum ao păng kơnhŏng ao sư 'bơm tơ 'bĕng, dah tơmam kiơ mă pai sĭn, đak sik, dah đak rơmă, dah tơmam sa kiơ, na dôm tơmam noh hăm pă rơgoh ưh?’ ” Lu 'bok soi tơl thoi âu. “Ưh.”

Mathiơ 23:17

Ơ bơngai kơhlôh, thoi bơngai măt tol, lơliơ iĕm tơchĕng thoi noh? Hnam 'Bok Kei-Dei kăl hloh kơ maih. Maih yua kơ đe man tơ hnam 'Bok Kei-Dei đĕch na lăng nhen kăl.

Mathiơ 23:18

Păng iĕm khan dah bu wă mơng tơmam kiơ kiơ wă kơ băt sư gô 'mong tơpă, iĕm athei bơngai noh tơhlâu chơnang 'măn tơmam soi kơ 'Bok Kei-Dei. Mă-lei dah bơngai noh sư pơm thoi noh tơpă, iĕm khan bơngai noh tŭk tơdrong 'mong dơ̆ng kư̆m bưh. Dah sư tơhlâu tơmam soi 'măn kơpal chơnang soi noh iĕm khan trŏ kơ 'mong.

Mathiơ 23:20

“Yua kơ thoi noh na dah bu wă 'mong kơ đe tơmam tơpă na sư tơhlâu chơnang 'măn tơmam soi, dang sư tơhlâu đĭ-đăng chơnang soi păng tơmam soi noh mơ̆n.