Mathiơ 23:16 - Sơ̆p Hlabơar Nơ̆r 'Bok Kei-Dei

¹⁶ “Ơ lu iĕm, khan bơngai 'bôh hơdah wă tơ'bôh kơ đe trong, mă-lei iĕm dang bơngai măt tol. Ning-mônh iĕm pơmat-tat dêh, yua kơ iĕm khan dah bu wă mơng tơmam kiơ kiơ wă kơ băt sư gô 'mong, athei bơngai noh tơhlâu hnam akŭm 'Bok Kei-Dei tơm. Mă-lei dah sư pơm thoi noh tơpă, iĕm khan tŭk tơdrong 'mong dơ̆ng kư̆m bưh. Dah sư tơhlâu maih hnam akŭm 'Bok Kei-Dei noh iĕm khan trŏ kơ 'mong.

Mathiơ 23:16 Iomraidhean Croise

Êsai 9:16

Yua kơ thoi noh Kră Yang ưh kơ lăp đon kơ lu tơdăm păng ưh pă mơnat ôh kơ lu bơngai adro po, kon mơti mơtuei lu sư, yua kơ lu sư ưh kơ pơyom kơ Kră Yang 'Bok Kei-Dei păng pơm kơnê̆, 'bơ̆r lu sư pơma kơnê̆ kơtul bơlŭk, mă khan thoi noh ră Kră Yang oei hil pơma kơ lu sư, ti Kră Yang oei yơ̆r tơ kơpal wă pơm kơ lu sư 'mơ̆i!

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 23:17

Ơ bơngai kơhlôh, thoi bơngai măt tol, lơliơ iĕm tơchĕng thoi noh? Hnam 'Bok Kei-Dei kăl hloh kơ maih. Maih yua kơ đe man tơ hnam 'Bok Kei-Dei đĕch na lăng nhen kăl.

Mathiơ 23:19

Ơ bơngai dang kơ măt tol, iĕm hăm băt chơnang 'măn tơmam soi kăl hloh kơ tơmam soi? Tơmam soi yua kơ 'măn kơpal chơnang soi noh đĕch na lăng thoi lĕ kăl.

Mathiơ 23:24

Iĕm khan bơngai tơ'bôh kơ đe trong, mă-lei dang bơngai măt tol. Tơdrong kăl iĕm pơhơi, tơdrong hơi iĕm hăt hot. 'Noh dang iĕm chơkơih tŭk 'bruih iĕ lăm kơchŏk đak, mă tŏ aseh iĕm ưh kơ 'bôh, nhă luăn jrok hloi.

Mathiơ 23:26

Ơ bơngai Pharisi, dang kơ măt tol, iĕm 'nĕ pă tơgar iŏk dôm tơmam sa đe 'mơ̆i, na 'Bok Kei-Dei 'bôh tơdrong iĕm ôp bơ̆n pơnhan bơ̆n kơchŏk noh 'lơ̆ng.

Galati 5:3

Inh wă khan dơ̆ng kơ iĕm tơpă: Bơngai bu chu kăt tơdra akar, bơngai noh athei kiơ̆ tôm tơdrong juăt Môis nai.

Ya 5:12

Ơ 'nhŏng oh, mă loi inh wă pơkă kơ iĕm tơdrong âu kăl dêh: Tơdrong kiơ iĕm pơkă kơ đe wă kơ đe băt kơ iĕm gô pơm, iĕm 'nĕ pă pơkă pao anăn 'Bok Kei-Dei, anăn plĕnh, anăn teh, dah anăn kiơ kiơ nai; iĕm wă pơkă kơ đe tơdrong kiơ, iĕm athei pơkă mă tơpăt hăm 'bơ̆r hoh đĕch. Thoi noh 'Bok Kei-Dei huay kơ hil kơ iĕm.