Mathiơ 23:15 - Sơ̆p Hlabơar Nơ̆r 'Bok Kei-Dei

¹⁵ “Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm kư̆ kơ năm bơtho jơ̆p-jang kơ teh đak, tơ minh 'nu bơngai kư̆m năm bơtho, mă tơdrong bơtho, iĕm ưh kơ bơtho sư pơm 'lơ̆ng ôh, rai pơm kơnê̆ hloh kơ iĕm dơ̆ng.

Mathiơ 23:15 Iomraidhean Croise

Esther 8:17

Lăm rim tơring, rim pơlei, anih ayơ mă đei iŏk hla bơar pơkă đơ̆ng pơtao truh tơ tơring noh đei tơdrong chơt hiôk chhôk hơiă kơ adrĕch adrung Juđa, minh năr et sa chơt hiôk. Đei lơ lu bơngai lăm adrĕch char đe nai kư̆m khan kơ lu sư bơngai Juđa yua kơ lu sư hli dêh kơ bơngai Juđa pơm kơ lu sư.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Mathiơ 5:29

Dah minh pah măt iĕm gah 'ma pơm kơ iĕm yoch, kuek tŭk minh pah măt iĕm noh, na oei pă minh pah măt, 'noh 'lơ̆ng hloh kơ iĕm oei tôm 'bar pah măt, mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Jang 13:43

Lăp lu kon pơlei pơla brŏk đơ̆ng hnam akŭm tơ hnam sư kơdih kơdih, kư̆m đei lơ bơngai Juđê păng lơ bơngai mă ưh kơ khŭl Juđê kư̆m pơlei noh mơ̆n mă lui kơ 'Bok Kei-Dei ngăl, lu sư yak hơdai bre Pôl păng 'Barna'ba. Na bre sư bơtho rah rok trong. Hơtai sư oei yak hơdai sư bơtho thoi âu: “'Bok Kei-Dei 'mêm mơnat kơ bơ̆n tơpă na bĕ bơ̆n kư̆ lui kơ Kră Yang Yêsu mă kơjăp đĕch.”

Jang 14:19

Đơ̆ng rŏng kơ noh lu bơngai Juđê đơ̆ng Pơlei Antiôs păng Pơlei Ikôni năm tơ ei păng pơhlŭ lu kon pơlei pơla. Lu sư klơ̆m Pôl păng tơmo. Lu sư ngêh kơ Pôl lôch boih na lu sư dui hor Pôl tơ jih pơlei.

Jang 14:2

Lu bơngai Juđê mơ'nah ưh kơ wă lui kơ Yêsu. Sư pơhlŭ lu bơngai nai mă ưh kơ khŭl sư wă kơ sư areh kơ lu bơngai lui kơ Yêsu.

Jang 17:13

Lu bơngai Juđê đơ̆ng Pơlei Têsalônik kơtơ̆ng ang tơdrong Pôl bơtho tơdrong 'Bok Kei-Dei tơ Pơlei Bêrê, na lu sư năm tơ ei pơhlŭ lu kon pơlei pơla wă pơm kơnê̆ kơ bre sư.

Jang 2:10

Mơ'nah đơ̆ng dêh char Phiji, kư̆m đei mơ'nah đơ̆ng dêh char Pamphili, mơ'nah đơ̆ng dêh char Êyiptơ, kư̆m đei mơ'nah đơ̆ng tơring Siren lăm dêh char Libi. Đơ̆ng Pơlei Rôm kư̆m đei mơ̆n, mơ'nah bơngai Juđê, lu mơ'nah bơngai nai kiơ̆ tơdrong juăt Juđê.

Jang 6:5

Thoi noh na lu đe ei kơtơ̆ng sư pơma thoi noh boih lu sư lăp đon tơpă. Na lu bơngai lui rơih iŏk lu bơngai âu: Êtien, sư bơngai lui kơjăp tơpă păng sư 'bĕnh kơ Yang Bơhngol 'Lơ̆ng; lu bơngai âu dơ̆ng, anăn lu sư Philip, Prôkơrô, Nikanor, Timôn, Parmina, Nikôla. Nikôla âu sư ưh kơ sĭ bơngai Juđê ôh, mă-lei sư kiơ̆ tơdrong juăt đe Juđê đơ̆ng sư lui kơ 'Bok Kei-Dei sơ̆. Sư đơ̆ng Pơlei Antiôs.

Galati 4:17

Lu bơngai mă juăt kơ pơtuah iĕm thoi noh, lu sư lăp đon kơ iĕm mơ̆n, mă-lei lu sư kuă kơ tơgŭm iĕm. Lu sư wă kơ iĕm achăng lê̆ inh, na kiơ̆ lu sư. Lu sư wă kơ iĕm 'mêm kơ lu sư.

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.