Mathiơ 22:35 - Sơ̆p Hlabơar Nơ̆r 'Bok Kei-Dei

³⁵ Na đei minh 'nu bơngai khŭl Pharisi, sư pơm thây bơtho tơdrong juăt đe Juđê, sư năm jet pơlong lăng Yêsu thoi âu:

Mathiơ 22:35 Iomraidhean Croise

Mathiơ 22:18

Yêsu băt kơ lu đe âu wă plơ̆ plĕch kơ Sư, na Sư khan thoi âu: “Ơ lu bơngai 'bơ̆r đak klak ŭnh, yua kơ kiơ iĕm wă jet pơlong Inh?

Mathiơ 22:36

“Ơ 'Bok Thây, dôm tơdrong juăt 'Bok Kei-Dei pơkă, tơdrong juăt ayơ kăl hloh?”

Markôs 10:2

Đei bơngai Pharisi năm jet pơlong Sư wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n hăm gơh achăng akăn?”

Luka 11:52

“Ơ lu thây bơtho đe Juđê, ning-mônh iĕm pơmat-tat dêh, yua kơ dang ei iĕm ưh kơ wă ăn kơ đe băt tơdrong 'Bok Kei-Dei mă 'blep. Iĕm dang lĕ đei khuă gơh mơ̆t tơ hnam 'Bok Kei-Dei pơhrăm tơdrong Sư, mă-lei iĕm ưh kơ wă pơih 'măng mơ̆t kơdih păng kư̆m kuă ăn đe mơ̆t mơ̆n.”

Luka 14:3

Na Yêsu jet hloi lu thây bơtho tơdrong juăt đe Juđê păng lu bơngai Pharisi thoi âu: “Kiơ̆ kơ tơdrong juăt bơ̆n, bơ̆n hăm gơh pơklaih đe jĭ jăn lăm năr pơdơh Sa'bat ưh?”

Luka 7:30

Mă-lei lu bơngai Pharisi păng lu 'bok thây bơtho tơdrong juăt đe Juđê ưh kơ wă kiơ̆ thoi 'Bok Kei-Dei bơtho, na lu sư kuă kơ iŏk 'batem ôh.

Yo 8:6

Lu sư jet thoi noh, lu sư wă pơlong lăng Yêsu, wă kơ Sư pơma ưh kơ trŏ tơdrong juăt đe Juđê, na lu sư wă jâu Yêsu 'bơ̆t anăp đe kră sek tơlang. Mă-lei Yêsu kŭp kơ̆l, ti Sư chih ngôi tơ teh.

Tit 3:13

Sêna sư hơgei tôm tơdrong juăt 'Bok Kei-Dei pơkă sơ̆, na bre sư Apôlê wă năm bơtho đe. Hơdrol kơ bre sư wă năm tơklah đơ̆ng ih, ih athei tơdŏng mơnat ăn kơ bre sư tôm tơdrong tơmam hŏ, wă kơ bre sư huay kơ kơ'bah lăm tơmam bre sư wă năm bơtho đe.