Mathiơ 22:30 - Sơ̆p Hlabơar Nơ̆r 'Bok Kei-Dei

³⁰ Ning-mônh đĭ-đăng kon bơngai gô iung arih đơ̆ng lôch, đe ưh pă đei tơiŏk băl klo kăn dơ̆ng ôh, lu sư thoi lu linh jang 'lơ̆ng tơ plĕnh ti.

Mathiơ 22:30 Iomraidhean Croise

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Mathiơ 13:43

Gah lu bơngai mă 'lơ̆ng tơpăt, năr noh kơnh lu sư oei hiôk hơđơ̆ng tơ dêh char 'Bă bơ̆n, dang lu sư pơchrang hơdah thoi lĕ kơ măt 'năr. Bu đei đon athei tơchĕng kơdih bĕ.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Mathiơ 22:31

Tơdrong 'Bok Kei-Dei pơma kơ iĕm gah tơdrong kon bơngai iung arih đơ̆ng lôch, iĕm kư̆m đŏk lăng boih mă liơ iĕm ưh kơ hlôh?

Mathiơ 24:38

Hơdrol kơ đak lip sơ̆, kon bơngai oei sa et pơrŏ tơdrong iŏk klo kăn, tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i.

Luka 17:27

Hơdrol kơ đak lip sơ̆ kon bơngai kư̆m oei pơm sa et pơrŏ, thoi et pơkong, et sa tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i, na truh hĭ kơ đak lip, lu sư lôch đĭ.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”