Mathiơ 22:22 - Sơ̆p Hlabơar Nơ̆r 'Bok Kei-Dei

²² Lu sư mơ̆ng Yêsu tơl trŏ tơpă, na lu sư achăng lê̆ Yêsu 'bơ̆t noh yak năm tơ nai.

Mathiơ 22:22 Iomraidhean Croise

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Mathiơ 22:33

Lu kon pơlei pơla kơtơ̆ng Yêsu bơtho thoi noh, na lu sư băt kơ Yêsu bơtho hơgei tơpă.

Mathiơ 22:46

Yêsu khan thoi noh ưh kơ đei bu gơh tơl Sư păng đơ̆ng năr noh ưh kơ đei bu pơ̆n jet Sư dơ̆ng.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Markôs 12:12

Na lu 'bok soi tih, lu thây bơtho tơdrong juăt đe Juđê, hăm lu đe kră sek tơlang chă tơdrong wă rôp hloi Yêsu yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla 'bơ̆t ei, na lu sư weh đơ̆ng Yêsu 'noh năm tơ nai.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Jang 6:10

Lu sư klai yua kơ jei Êtien ngăl. Yua kơ Yang Bơhngol 'Lơ̆ng tơgŭm Êtien pơma hơgei, dôm nơ̆r lu sư pơma jei Êtien ngăl.

Kôlôsê 4:6

Bơ̆n athei pơma pơhiôk lu sư ling-lang, wă kơ bơ̆n gơh drơ̆ng lu sư mă trŏ.