Mathiơ 22:17 - Sơ̆p Hlabơar Nơ̆r 'Bok Kei-Dei

¹⁷ Na nhôn wă jet Ih, Ih tơchĕng thoi yơ kiơ̆ kơ tơdrong juăt bơngai Juđê bơ̆n? Bơ̆n hăm gơh ăn jên thuê̆ kơ Sêsar pơtao đe Rôm mă pơgơ̆r bơ̆n dah ưh?”

Mathiơ 22:17 Iomraidhean Croise

Esơra 4:13

Thoi noh, hơpơi kơ ih băt mă nhen, tơdah pơlei âu đei pơm ming dơ̆ng păng dur sư đei man hơtŏk ming, thoi noh đĭ kon pơlei noh ưh pă pơyơ̆r ăn kơ ih dôm tơmam, ưh pă ăn thuê̆ dah ăn jên, na đơ̆ng noh tơdrong răm gô truh kơ ih.

Esơra 7:24

Đơ̆ng noh dơ̆ng, inh đei chih roi kơ iĕm băt ưh kơ gơh iŏk thuê̆ tơmam dah jên đơ̆ng 'bok soi, bơngai Lêwi, lu khŭl hơri, bơngai gak 'măng, bơngai Nêthinim, dah lu đam lăm hnam akŭm Kră Yang 'Bok Kei-Dei.

Ne 5:4

Kŭm đei bơngai nai khan dơ̆ng; lu nhôn kư̆m đei pơjao chŭn, mir hơmu, na wă kơ đei jên ăn kơ pơtao.

Ne 9:37

Tơmam plei sa lĕch đơ̆ng teh đak âu rơkah rơkai Ih ăn kơ lu pơtao pơgơ̆r nhôn, yua kơ lu nhôn pơm tơdrong yoch, lu pơtao noh mơ̆ng kơ sư wă pơm kiơ kơ akâu jăn lu nhôn păng sem dơrong lu nhôn păng dang ei pơm kơ lu nhôn oei pơmat-tat dêh.

Je 42:20

lu iĕm pơrơ̆ng pơprơ̆n wơh inh năm krao chă Kră Yang 'Bok Kei-Dei lu iĕm, khan: Krao apinh bĕ Kră Yang bơ̆n tơgŭm nhôn păng roi ăn kơ lu nhôn băt Kră Yang bơtho khan lu nhôn liơ; lu nhôn gô pơm kiơ̆.

Mathiơ 17:25

Pêtrôs khan: “Sư ăn mơ̆n” Lăp Pêtrôs mơ̆t tơ hnam Yêsu thar jet hloi: “Ơ Simôn, lu 'bok pơtao iŏk thuê̆ đơ̆ng bu? Sư iŏk đơ̆ng lu kon sư, dah đơ̆ng bơngai nai?”

Mathiơ 22:18

Yêsu băt kơ lu đe âu wă plơ̆ plĕch kơ Sư, na Sư khan thoi âu: “Ơ lu bơngai 'bơ̆r đak klak ŭnh, yua kơ kiơ iĕm wă jet pơlong Inh?

Luka 2:1

Lăm sơnăm noh 'bok pơtao tơm đe Rôm, anăn sư Ôgut, chih hla bơar athei đe chă chih măt rim kon bơngai jơ̆p kơ tơring sư pơgơ̆r.

Luka 20:22

Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar, pơtao đe Rôm mă pơgơ̆r bơ̆n dah ưh?”

Luka 3:1

'Bok Kei-Dei tơbăt kơ Yôhan mă kon Sachari nơ̆r Sư tơ char glă sơ̆. Kơplah noh sơ̆ 'bok Tiberi pơm pơtao tơm lu bơngai Rôm đei mơjĭt-pơđăm sơnăm boih. Bonsơ Pilat pơgơ̆r dêh char Juđê, na Hêrôt pơgơ̆r dêh char Galilê. Đơ̆ng noh dơ̆ng 'bok Philip, oh Hêrôt, sư pơgơ̆r dêh char Itur păng dêh char Trachônit. Na 'bok Lisan pơgơ̆r dêh char Abilen. Kơplah ei sơ̆ 'bok Ana păng 'bok Kaiphe oei pơm 'bok soi tơm đe Juđê.

Jang 25:8

Na Pôl pơma dŏng kơdih akâu thoi âu: “Inh ưh kơ pơm kơnê̆ kơ tơdrong juăt bơngai Juđê dah hnam akŭm 'Bok Kei-Dei tơm, dah lăm 'bok pơtao tơm Rôm ôh.”

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”

Jang 5:37

Klaih kơ noh, lăp 'bok pơtao chih iŏk anăn bơngai sơ̆, đei Juđa bơngai đơ̆ng dêh Galilê, sư pơsô̆ pơsôr đe kiơ̆ sư, mă-lei sư kư̆m lôch lei-lăi mơ̆n păng đĭ-đăng bơngai kiơ̆ sư tơklah tơklang.