Mathiơ 22:14 - Sơ̆p Hlabơar Nơ̆r 'Bok Kei-Dei

¹⁴ Na Yêsu khan dơ̆ng thoi âu: “Tơdrong 'noh pơtih gia kơ 'Bok Kei-Dei krao lơ bơngai lui kơ Sư mă-lei Sư rơih iŏk lăp tŏ sĕt đĕch.”

Mathiơ 22:14 Iomraidhean Croise

Mathiơ 20:16

Tơdrong âu Yêsu pơma pơtih gia kơ 'Bok Kei-Dei wă pơgơ̆r bơ̆n: “Mă dôm tơdrong kiơ lu bơngai mă pơm iĕ kơ đe dang ei, ning-mônh sư gô tih; dôm lu bơngai pơm tih kơ đe dang ei ning-mônh sư jing iĕ.”

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”