Mathiơ 21:41 - Sơ̆p Hlabơar Nơ̆r 'Bok Kei-Dei

⁴¹ Na đe khan: “Sư gô pơlôch đĭ lu bơngai pơm kơnê̆ noh, na ăn kơ bơngai nai jang dơ̆ng, na lu bơngai jang mơng đơ̆ng rŏng noh gô klah asong sư plei hơmu tơpă.”

Mathiơ 21:41 Iomraidhean Croise

Horiso 2:9

Ih gô Pơgơ̆r lu sư hăm 'long jra mam; Ih gô teh pơchah lê̆ lu sư thoi gŏ teh.”

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Sa 12:12

lăm teh âu gô nhơ̆m hmoi, rim adrĕch lu sư kơdih kơdih: Adrĕch adrung hnam Đawit klah pha, lu akăn sư klah pha; adrĕch adrung Nathan klah pha, lu akăn lu sư kư̆m lê̆ pha;

Sa 13:8

Kră Yang khan thoi âu: “Gô đei tơdrong truh jơ̆p kơ teh đak. Đei 'bar khŭl lăm pêng khŭl noh gô pơlôch đĭ, oei pă minh khŭl lăm pêng noh oei oei.

Mathiơ 21:34

Lăp trŏ kơ bơyan plei hơmu đum boih, na sư wơh lu đĭch đam sư năm tơ lu bơngai jang mơng noh wă iŏk plei hơmu mă 'măn kơ tơ'ngla sư.

Mathiơ 21:40

“Lu đe noh pơm thoi noh boih na 'bok tơ'ngla mir năm tơ lu bơngai noh, sư gô pơm kiơ kơ lu bơngai noh?”

Mathiơ 21:43

Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Luka 20:16

Sư gô năm pơlôch pơđĭ lu bơngai noh, na sư pơjao ăn kơ lu bơngai nai jang dơ̆ng.” Lăp lu bơngai mơ̆ng Yêsu bơtho kơtơ̆ng thoi noh, na lu sư khan: “Apinh 'Bok Kei-Dei 'nĕ ăn tơdrong noh truh tơ nhôn.”

Jang 15:7

Lu sư pơđâu kư̆m đunh 'biơ̆ mơ̆n. Klaih kơ noh Pêtrôs iung pơma thoi âu: “Ơ lu 'nhŏng oh, iĕm kư̆m băt tơdrong 'Bok Kei-Dei rơih inh đơ̆ng lu iĕm sơ̆, wă kơ inh năm bơtho lu bơngai tơmoi mă ưh kơ khŭl bơ̆n wă kơ sư gơh kơtơ̆ng Tơdrong 'Nao 'Lơ̆ng na lui kơ Kră Yang Yêsu.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

Jang 28:8

'Bă Publiu ei oei păn kơ bơlŏ păng chroh hăk. Pôl mơ̆t tơ lăm anih sư păng krao khan kơ Kră Yang 'Bok Kei-Dei, na pel akâu sư păng pơklaih jĭ sư ei.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.