Mathiơ 21:34 - Sơ̆p Hlabơar Nơ̆r 'Bok Kei-Dei

³⁴ Lăp trŏ kơ bơyan plei hơmu đum boih, na sư wơh lu đĭch đam sư năm tơ lu bơngai jang mơng noh wă iŏk plei hơmu mă 'măn kơ tơ'ngla sư.

Mathiơ 21:34 Iomraidhean Croise

Êsai 5:4

Hăm đei tơdrong kiơ gơh pơm dơ̆ng kơ pơgar hơmu Inh. Mă Inh tam mă pơm ăn kiơ kơ sư? Kơplah Inh hơmĕng kơ đei plei 'lơ̆ng mă-lei tă tơ plei wir kơnê̆?

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Mathiơ 21:35

Mă-lei lu bơngai jang mơng rôp lu đĭch đam sư, mơ'nah sư tôn teh, mơ'nah sư pơlôch, mơ'nah sư klơ̆m păng tơmo.

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Mathiơ 21:40

“Lu đe noh pơm thoi noh boih na 'bok tơ'ngla mir năm tơ lu bơngai noh, sư gô pơm kiơ kơ lu bơngai noh?”

Mathiơ 21:41

Na đe khan: “Sư gô pơlôch đĭ lu bơngai pơm kơnê̆ noh, na ăn kơ bơngai nai jang dơ̆ng, na lu bơngai jang mơng đơ̆ng rŏng noh gô klah asong sư plei hơmu tơpă.”

Mathiơ 22:3

Na sư wơh lu bơngai jang kơ sư năm krao lu bơngai mă sư wơ̆n năm sŏng sa tơ hnam sư, mă-lei lu bơngai mă sư wơ̆n noh ưh kơ wă năm sŏng sa.

Markôs 12:1

'Blă kơ noh Yêsu bơtho pơtih gia kơ lu sư thoi âu: “Đei minh 'nu bơngai pơm mir wă pơtăm 'long hơmu. Sư war dur tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Markôs 12:7

Mă-lei lu bơngai jang mơng mir hơmu noh pơđâu dih băl khan: ‘Bơngai 'noh boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Markôs 12:9

“Thoi noh boih na 'bok tơ'ngla mir gô pơm kiơ kơ lu bơngai noh? Sư gô năm pơlôch pơđĭ lu bơngai noh, na sư pơjao ăn kơ lu bơngai nai jang dơ̆ng.

Luka 20:9

'Blă kơ noh Yêsu bơtho pơtih gia kơ lu kon pơlei pơla thoi âu: “Đei minh 'nu bơngai pơm mir wă pơtăm plei hơmu. Sư pơtăm đang boih na ăn kơ đe jang mơng, na tơ'ngla sư năm oei tơ dêh nai đunh tơpă.